ജനങ്ങൾ ചെലവ് ചുരുക്കൂ... സുഖചികിത്സ നടത്തിയും, വീടിന് ചന്തംകൂട്ടി കര്ട്ടനിട്ടും മന്ത്രിമാർ ലക്ഷങ്ങൾ പൊടിപൊടിക്കുന്നുവെന്ന് റിപ്പോർട്ടുകൾ
വീടിന് മോടികൂട്ടി കര്ട്ടനിട്ടും സുഖചികിത്സ നടത്തിയും മന്ത്രിമാരുടെ ധൂര്ത്ത് പൊടിപൊടിക്കുന്നുവെന്ന് റിപ്പോർട്ടുകൾ. രണ്ടു വര്ഷത്തിനിടെ ഔദ്യോഗിക വസതിയില് കര്ട്ടനിടാന് മാത്രം മന്ത്രിമാര് ചെലവിട്ടത് എട്ടു ലക്ഷത്തിലേറെ രൂപയാണ്. മന്ത്രിസഭയിലെ ഒന്നാമനായ മുഖ്യമന്ത്രി പിണറായി വിജയനാണു കര്ട്ടന് ധൂര്ത്തില് മുമ്പന്. ക്ലഫ് ഹൗസില് കര്ട്ടനിടാനുള്ള ചെലവ് 2,07,606 രൂപയയിരുന്നു. തൊട്ടുപിന്നില് സി.പി.ഐക്കാരനായ ഭക്ഷ്യമന്ത്രി പി. തിലോത്തമനാണ്. ഔദ്യോഗിക വസതിയായ അശോകാ ബംഗ്ലാവിലെ കര്ട്ടന് പരിപാടിക്ക് തിലോത്തമന് പൊടിച്ചത് 1,51,972 രൂപ.
നിയമസഭാ സാമാജികരിലെ അതിസമ്പന്നനും എന്.സി.പി. പ്രതിനിധിയുമായ മുന്മന്ത്രി തോമസ് ചാണ്ടിയാണ് പട്ടികയില് മൂന്നാമന്. കാവേരി ബംഗ്ലാവില് ഈയിനത്തില് ചാണ്ടി വരുത്തിയ ചെലവ് 1,23,828 രൂപ. സഹകരണ മന്ത്രി കടകംപള്ളി സുരേന്ദ്രന് (തൈക്കാട് ഹൗസ്-1,21,705 രൂപ), ആരോഗ്യ മന്ത്രി കെ.കെ. ശൈലജ (നിള ബംഗ്ലാവ്-75,516 രൂപ), വൈദ്യുതി മന്ത്രി എം.എം മണി (സാനഡു-33,990 രൂപ), ധനമന്ത്രി ഡോ. ടി.എം തോമസ് ഐസക്ക് (മന്മോഹന് ബംഗ്ലാവ്- 25,946 രൂപ), നിയമമന്ത്രി എ.കെ ബാലന് (പമ്പ ബംഗ്ലാവ്-30,350 രൂപ), വ്യവസായമന്ത്രി എം.സി.
മൊയ്തീന് (പെരിയാര് ഹൗസ്- 38,640 രൂപ) എന്നിങ്ങനാണ് മറ്റു മന്ത്രിമാരുടെ കര്ട്ടന് ചെലവ്. സാനഡുവില് കര്ട്ടന് ഇനത്തില് 39,071 രൂപ മന്ത്രിയായിരിക്കെ ഇ.പി. ജയരാജനും പൊടിച്ചിരുന്നു. സര്ക്കാര് ചെലവില് ചികിത്സതേടുന്നതിലും മന്ത്രിമാര് മികവു പ്രകടിപ്പിച്ചു. 2016 മേയ് 25 മുതല് കഴിഞ്ഞ ഡിസംബര് 31 വരെയുള്ള കണക്കുപ്രകാരം കടകംപള്ളി സുരേന്ദ്രനാണ് ഈയിനത്തില് ഒന്നാമന്. 4,82,367 രൂപയാണ് ചികിത്സയ്ക്കായി അദ്ദേഹം ചെലവിട്ടത്.
മുഖ്യമന്ത്രി പിണറായി വിജയന്റെ ചികിത്സയ്ക്കായി 78,898 രൂപ വേണ്ടി വന്നു. കെ.കെ ശൈലജ (3,81,876 രൂപ), ഇ.ചന്ദ്രശേഖരന് (28,443 രൂപ), അഡ്വ. കെ.രാജു (2,88,587 രൂപ), ജെ. മേഴ്സിക്കുട്ടിയമ്മ (1,45,728 രൂപ), എ.കെ ബാലന് 16,453 രൂപ), തോമസ് ഐസക്ക് (3,00,823 രൂപ), എം.എം മണി (35,225 രൂപ), ടി.പി രാമകൃഷ്ണന് (2,26,813 രൂപ), ജി.സുധാകരന് (1,00,047 രൂപ), വി.എസ് സുനില്കുമാര് ( 1,85,122 രൂപ), മാത്യൂ ടി.തോമസ് (64,273 രൂപ), എ.കെ ശശീന്ദ്രന് (10,145), കെ.ടി ജലീല് (73,790 രൂപ), രാമചന്ദ്രന് കടന്നപ്പള്ളി (33,702 രൂപ) എന്നിങ്ങനാണു മറ്റു മന്ത്രിമാരുടെ ചികിത്സാ ചെലവ്. പ്രതിപക്ഷ നേതാവ് രമേശ് ചെന്നിത്തല (96,269 രൂപ), മുന്മന്ത്രി ഇ.പി ജയരാജന് (33,200 രൂപ) എന്നിവരും ചികിത്സാര്ഥം ഖജനാവിനെ ആശ്രയിച്ചു.
https://www.facebook.com/Malayalivartha