മധ്യവയസ്കന് ബന്ധുവീട്ടില് കൊല്ലപ്പെട്ട നിലയില് ; സംഭവവുമായി ബന്ധപ്പെട്ട് ഒരാൾ അറസ്റ്റിൽ
പത്തനംതിട്ട കൊടുമണ്ണിന് സമീപം ഇടത്തിട്ടയില് മധ്യവയസ്കന് ബന്ധുവീട്ടിലെ ചായ്പ്പില് കൊല്ലപ്പെട്ട നിലയില്. വള്ളിക്കോട് വട്ടമുരുപ്പേല് ശങ്കരനാണ് കൊല്ലപ്പെട്ടത്. ശനിയാഴ്ച്ച പുലര്ച്ചയോടെയാണ് 48 കാരനായ ശങ്കരനെ കൊല്ലപ്പെട്ട നിലയില് ബന്ധുവീട്ടിലെ ചായ്പ്പില് കാണപ്പെട്ടത്.
ഇയാളുടെ ബന്ധുവായ ഇടത്തിട്ട തറയില് വീട്ടില് ശ്രീകുമാരിയുടെ വീടിനോട് ചേര്ന്ന ചായ്പ്പില് കുതികാലില് വെട്ടുകൊണ്ട് രക്തം വാര്ന്ന് മരിച്ച നിലയിലാണ് കണ്ടെത്തിയത്. ഇയാള് ഇടക്കിടെ ബന്ധുവീട്ടില് വന്ന് താമസിക്കുന്നത് പതിവായിരുന്നു. കഴിഞ്ഞ ദിവസം സന്ധ്യക്ക് ശേഷം ശങ്കരന് ഇവിടേയ്ക്ക് പോകുന്നത് സമീപവാസികള് കാണുകയും ചെയ്തിരുന്നു.
അടൂര് ഡിവൈഎസ്പി ജോസിന്റെയും കൊടുമണ് എസ്ഐ ആര് രാജീവിന്റെയും നേതൃത്വത്തില് പൊലീസ് സ്ഥലത്തെത്തി കേസ് രജിസ്റ്റര് ചെയ്ത് അന്വേഷണം ആരംഭിച്ചു. ഡോഗ് സ്ക്വാഡ്, ഫിംഗര് പ്രിന്റ് യൂണിറ്റ്, ഫോറന്സിക് തുടങ്ങിയവരുടെ നേതൃത്വത്തില് മേല്നപടികള് പൂര്ത്തിയാക്കി മൃതദേഹം പോസ്റ്റ്മോര്ട്ടത്തിനായി കോട്ടയം മെഡിക്കല് കോളെജിലേക്ക് കൊണ്ടുപോയി.
ഐപിസി 449, 302 വകുപ്പുകള് ചേര്ത്ത് പൊലീസ് കേസ് രജിസ്റ്റര് ചെയ്തിട്ടുണ്ട്. കേസുമായി ബന്ധപ്പെട്ട് പ്രതി എന്ന് സംശയിക്കുന്ന ഒരാള് പൊലീസ് കസ്റ്റഡിയിലുള്ളതായി സൂചനയുണ്ട്
https://www.facebook.com/Malayalivartha