പിണറായിയിലെ കൊലപാതക പരമ്പരയെപ്പറ്റിയുള്ള ഞെട്ടിക്കുന്ന വിവരങ്ങള് പുറത്ത്
പിണറായിയിലെ കൊലപാതക പരമ്പരയിലെ മുഖ്യപ്രതി സൗമ്യക്ക് വിഷം വാങ്ങി നല്കിയത് ഓട്ടോ ഡ്രൈവറെന്ന് സൂചന. ഇയാളെ പൊലീസ് ചോദ്യം ചെയ്തു.
കഴിഞ്ഞ ദിവസം കസ്റ്റഡിയിലെടുത്ത സൗമ്യയെ പൊലീസ് അറസ്റ്റ് ചെയ്തിരുന്നു. പൊലീസ് നടത്തിയ ചോദ്യം ചെയ്യലില് സൗമ്യ കുറ്റം സമ്മതിച്ചിരുന്നു. മാതാപിതാക്കളുടെയും മക്കളുടെ മരണം ആസൂത്രിതമായ കൊലപാതകമാണെന്ന് ഇതോടെ വ്യക്തമായി.
സൗമ്യയുടെ അച്ഛന് കുഞ്ഞിക്കണ്ണന്,അമ്മ കമല, സൗമ്യയുടെ മക്കളായ ഐശ്വര്യ, കീര്ത്തന എന്നിവരാണ് ദുരൂഹസാഹചര്യങ്ങളില് മരിച്ചത്. 2012 സെപ്റ്റംബര് ഒമ്പതിനാണ് കീര്ത്തന മരിച്ചത്. ആറുവര്ഷങ്ങള്ക്കു ശേഷം ജനുവരി 31ന് ഐശ്വര്യയും മരിച്ചു. കമല മാര്ച്ച് ഏഴിനും കുഞ്ഞിക്കണ്ണന് ഏപ്രില് 13നുമായിരുന്നു മരിച്ചത്. തലശ്ശേരി സഹകരണ ആശുപത്രിയില് ചികിത്സയിലായിരുന്ന സൗമ്യയെ അവിടെനിന്നാണ് പോലീസ് കസ്റ്റഡിയില് എടുത്തത്.
അലുമിനിയം ഫോസ്ഫൈഡ് ഉള്ളില് ചെന്നതിനെത്തുടര്ന്നാണ് സൗമ്യയുടെ അച്ഛനും അമ്മയും മരിച്ചതെന്ന രാസപരിശോധനാഫലം പുറത്തുവന്നതിന് പിന്നാലൊണ് സൗമ്യയെ കസ്റ്റഡിയിലെടുത്തത്.
https://www.facebook.com/Malayalivartha