ഇന്ന് സംസ്ഥാനത്ത് നോ ഹോൺ ഡേ
ഇന്ന് സംസ്ഥാനത്ത് നോ ഹോൺ ഡേ . ശബ്ദമലിനീകരണം തടയുന്നതിന്റെ ഭാഗമായാണ് സംസ്ഥാനത്തു മോട്ടോര് വാഹനവകുപ്പിന്റെ ആഭിമുഖ്യത്തില് ഇന്നു ഹോണ് മുഴക്കാത്ത ദിനമായിആചരിക്കുന്നത്. ദിനാചരണം വൈകിട്ട് ആറിനു വിജെടി ഹാളില് മന്ത്രി എ.കെ.ശശീന്ദ്രന് ഉദ്ഘാടനം ചെയ്യും. വാഹനയാത്രക്കാര്ക്കു ലഘുലേഖകളും നോട്ടിസുകളും വിതരണം ചെയ്യും. കെഎസ്ആര്ടിസിയും ഇന്നു 'നോ ഹോണ് ഡേ' ആചരിക്കും.
മോട്ടോര്വാഹന നിയമപ്രകാരം 90 മുതല് 112 ഡെസിബെല് വരെ ശബ്ദം പുറപ്പെടുവിക്കുന്ന ഇലക്ട്രിക് ഹോണുകള് മാത്രമേ വാഹനങ്ങളില് ഉപയോഗിക്കാന് പാടുള്ളൂ. എന്നാല് സര്ക്കാര് വാഹനങ്ങളില് ഉള്പ്പെടെ 110 ഡെസിബലിനു മുകളിലുള്ള ഹോണുകള് ഉപയോഗിക്കുന്നുണ്ട്.
ഹോണിന്റെ ശബ്ദതീവ്രത അളക്കുന്നതിനുള്ള ഡെസിബല് മീറ്റര് ഘടിപ്പിച്ച എന്ഫോഴ്സ്മെന്റ് വാഹനങ്ങള് മോട്ടോര് വാഹന വകുപ്പ് പുറത്തിറക്കുമെന്നു ട്രാസ്പോര്ട്ട് കമ്മിഷണര് കെ.പത്മകുമാര് അറിയിച്ചു. നിരോധിച്ച എയര്ഹോണ് ഉപയോഗിക്കുന്ന വാഹനങ്ങള്ക്കെതിരെ നടപടിയുണ്ടാകുമെന്നും അദ്ദേഹം പറഞ്ഞു.
https://www.facebook.com/Malayalivartha