ഖൊരക്പൂര് ആശുപത്രിയില് ഓക്സിജന് ലഭിക്കാതെ കുട്ടികള് മരിച്ച സംഭവത്തില് യോഗി സര്ക്കാര് പ്രതിയാക്കി ജയിലിടച്ച ഡോക്ടര് മുഖ്യമന്ത്രിയോട്: നിപ്പാ വൈറസ് പടരുന്ന പശ്ചാത്തലത്തില് തന്നെ കോഴിക്കോട് മെഡിക്കല് കോളേജില് സേവനമനുഷ്ടിക്കാന് അനുവദിക്കണം
നിപ്പാ വൈറസ് പടരുന്ന പശ്ചാത്തലത്തില് തന്നെ കോഴിക്കോട് മെഡിക്കല് കോളേജില് സേവനമനുഷ്ടിക്കാന് അനുവദിക്കണമെന്നു മുഖ്യമന്ത്രി പിണറായി വിജയനോട് ഡോ: കഫീല് ഖാന്. തന്റെ ഫേസ്ബുക്ക് പേജിലൂടെയാണു കഫീല് ഖാന് ഇക്കാര്യം അറിയിച്ചത്. ഖൊരക്പൂര് ആശുപത്രിയില് ഓക്സിജന് ലഭിക്കാതെ കുട്ടികള് മരിച്ച സംഭവത്തിലില് ജയിലിലായ ഡോക്ടറാണ് കഫീല് ഖാനെ.
ഫജര് നമസ്ക്കാരത്തിനു ശേഷം ഉറങ്ങാന് ശ്രമിച്ചിട്ടും സാധിക്കുന്നില്ല. നിപാ വൈറസ് മൂലമുള്ള മരണങ്ങള് എന്നെ വേട്ടയാടുന്നു. സോഷില് മീഡിയയിലെ കിംവദന്തികളും ആശങ്കയുണ്ടാക്കുന്നു. കോഴിക്കോട് മെഡിക്കല് കോളേജില് സേവനമനുഷ്ട്ടിക്കാന് എന്നെ അനുവദിക്കണമെന്ന് മുഖ്യമന്ത്രി പിണറായി വിജയനോട് അഭ്യര്ത്ഥിക്കുന്നു. സിസ്റ്റര് ലിനി പ്രചോദനമാണ്. എന്റെ ജീവിതം സേവനത്തിനു വേണ്ടി മാറ്റി വെക്കാന് തയാറാണ്. അതിന് അല്ലാഹു അറിവും കരുത്തും നല്കട്ടെ എന്നും കഫീല് ഖാന് ഫേസ്ബുക്കില് കുറിച്ചു.
ഖൊരക്പൂര് ആശുപത്രിയില് ഓക്സിജന് ലഭിക്കാതെ കുട്ടികള് മരിച്ച സംഭവത്തില് കഫീല് ഖാനെ യോഗി സര്ക്കാര് പ്രതിയാക്കിയ സംഭവം ദേശീയ തലത്തില് പ്രതിഷേധമുയര്ത്തിയിരുന്നു. ജയിലില് നിന്നും പുറത്തിറങ്ങിയ അദ്ദേഹം ഈയിടെ കേരളത്തില് സന്ദര്ശനം നടത്തിയിരുന്നു.
https://www.facebook.com/Malayalivartha