18 ചക്കച്ചുള അകത്താക്കി കൃഷി ഓഫീസര് ഇ.എന്.രവീന്ദ്രന് ഒന്നാം സ്ഥാനം സംസ്ഥാനത്ത്; ചക്കയ്ക്ക് വന് ഡിമാന്റ്; കൗതുകമായി ചക്കച്ചുള തീറ്റ മത്സരം
ചക്കയെ കേരളത്തിന്റെ ഔദ്യോഗിക പഴമായി പ്രഖ്യാപിച്ചതിനു പിന്നാലെ കേരളത്തില് ചക്കയ്ക്ക് വന് ഡിമാന്റാണ്. തേക്കിന്കാട് മൈതാനിയില് നടന്ന ചക്ക മഹോത്സവത്തോടനുബന്ധിച്ച് നടത്തിയ ചക്കച്ചുള തീറ്റ മത്സരം കൗതുകവും ആവേശവുമായി.
ജില്ലയുടെ വിവിധ ഭാഗങ്ങളില് നിന്നായി പത്തു പേരാണ് തീറ്റ മത്സരത്തില് പങ്കെടുത്തത്. പതിനെട്ട് ചക്കച്ചുളകള് മൂന്നു മിനിറ്റുകൊണ്ട് അകത്താക്കി ചക്കച്ചുള തീറ്റ മത്സരത്തില് കൃഷി ഓഫീസര് തന്നെ ഒന്നാം സ്ഥാനം നേടി. ഏറെ ആകാംക്ഷ നിറഞ്ഞ മത്സരത്തില് ഒല്ലൂര് കൃഷി ഭവനിലെ കൃഷി ഓഫീസറായ ഇ.എന്.രവീന്ദ്രന് ഒന്നാമതെത്തി. തൊട്ടു പിന്നില് 15 ചക്കച്ചുളകള് അകത്താക്കിയ ആര്ത്താറ്റ് സ്വദേശി ടി.എ്ന്.നിജില് രണ്ടാമത്തെത്തി. 14 ചക്കച്ചുളകള് വീതം തിന്ന് രണ്ടു പേര് മൂന്നാം സ്ഥാനം പങ്കിട്ടു. 64കാരനായ പൊറത്തിശേരി സ്വദേശി കെ.കെ.ശശിധരനും ആര്ത്താറ്റ് സ്വദേശി വിപുല് വിജയനുമാണ് മൂന്നാം സ്ഥാനം പങ്കിട്ടത്. നിരവധി പേരാണ് ചക്കച്ചുള മത്സരം കാണാന് തിക്കുംതിരക്കും കൂട്ടി തേക്കിന്കാട് മൈതാനിയിലെ പന്തലിലെത്തിയത്. ഇതോടൊപ്പം ചക്ക കാര്വിംഗ് മത്സരവും ചക്കപ്പായസ മത്സരവും നടത്തി. ചക്ക കാര്വിംഗ് മത്സരത്തില് വേലൂര് സ്വദേശി ടെസി ഫ്രാന്സിസ്, പടിയൂര് സ്വദേശി വി.സി.വിനോദ് എന്നിവരാണ് പങ്കെടുത്തത്.
ചക്കപായസ മത്സരത്തില് തൈക്കാട്ടുശേരി സ്വദേശിനി ബബിത, പൊങ്ങണംകാട് സ്വദേശിനി അഞ്ജന, പെരിന്തല്മണ്ണ സ്വദേശിനി ടെസി ജിജി എന്നിവരാണ് പങ്കെടുത്തത്. ബബിത ചക്കക്കുരു കൊണ്ടാണ് ചക്കപ്പായസം ഉണ്ടാക്കിയത്. നാളെ നടക്കുന്ന ചടങ്ങില് മന്ത്രി സി.രവീന്ദ്രനാഥ് വിജയികള്ക്ക് സമ്മാനങ്ങള് നല്കും. മന്ത്രി വി.എസ്.സുനില്കുമാര് അധ്യക്ഷത വഹിക്കും.
https://www.facebook.com/Malayalivartha