നിപ്പ നിയന്ത്രണ വിധേയം... നിപ്പ വൈറസ് ബാധയെന്ന സംശയത്തില് 175 പേര് നിരീക്ഷണത്തിലുണ്ടെന്ന് ആരോഗ്യ മന്ത്രി; അസുഖം കണ്ടെത്തിയത് 15 പേര്ക്ക് അതില് ഇതുവരെ നിപ്പ വൈറസ് ബാധിച്ച് 12 പേര് മരിച്ചു, മൂന്ന് പേര് ചികിത്സയില്
നിപ്പ വൈറസ് ബാധയെന്ന സംശയത്തില് 175 പേര് നിരീക്ഷണത്തിലുണ്ടെന്ന് ആരോഗ്യ മന്ത്രി കെ.കെ.ശൈലജ പറഞ്ഞു. നിപ്പ വൈറസ് പിടിപെട്ട് മരിച്ചവരുടെ ബന്ധുക്കളാണിവരെന്നും മന്ത്രി പറഞ്ഞു. അസുഖം കണ്ടെത്തിയത് 15 പേര്ക്ക് അതില് ഇതുവരെ നിപ്പ വൈറസ് ബാധിച്ച് 12 പേര് മരിച്ചു. മൂന്ന് പേര് ചികിത്സയിലായാണെന്നും മന്ത്രി പറഞ്ഞു. നിലവില് രോഗബാധ നിയന്ത്രണവിധേയമാണ്. ഭയപ്പെടേണ്ട സാഹചര്യമില്ലെന്നും മന്ത്രി കൂട്ടിച്ചേര്ത്തു.
ഇതിനിടെ നിപ വൈറസ് പ്രതിരോധത്തെ കുറിച്ച് ചര്ച്ച ചെയ്യാനായി ശനിയാഴ്ചയും ആരോഗ്യമന്ത്രി കെ.കെ ശൈലജയുടെ അധ്യക്ഷതയില് കോഴിക്കോട് മെഡിക്കല് കോളജില് യോഗം ചേര്ന്നു. അവശ്യഘട്ടങ്ങളില് മാത്രം രോഗികളെ അഡ്മിറ്റ് ചെയ്താല് മതിയെന്നും അല്ലാത്തവരെ വാര്ഡുകളില് നിന്ന് ഡിസ്ചാര്ജ് ചെയ്ത് തിരക്ക് ഒഴിവാക്കാനും ആരോഗ്യമന്ത്രി നിര്ദേശം നല്കി.
നിപ രോഗികള് ചികിത്സയിലുള്ളതിനാല് കോഴിക്കോട് മെഡിക്കല് കോളജില് രോഗികള്ക്ക് നിയന്ത്രണമേര്പ്പെടുത്തി. അത്യാഹിത വിഭാഗം ഒഴികെയുള്ളവരെ ഡിസ്ചാര്ജ് ചെയ്യും. മെഡിക്കല് കോളേജ് പ്രിന്സിപ്പള് പുറത്തിറക്കിയ സര്ക്കുലറിലാണ് ഇക്കാര്യം വ്യക്തമാക്കിയിരിക്കുന്നത്. സാധാരണ പ്രസവ കേസുകളും അഡ്മിറ്റ് ചെയ്യേണ്ടെന്നും സര്ക്കുലറില് പറയുന്നു.
മെഡിക്കല് കോളേജില് പ്രോട്ടോകോള് അനുസരിച്ചുള്ള വസ്ത്രങ്ങള് നിര്ബന്ധമാക്കുകയും ജീവനക്കാര്ക്ക് അവധി നല്കില്ലെന്നും സര്ക്കുലറിലുണ്ട്.
https://www.facebook.com/Malayalivartha