ശ്രദ്ധിച്ച് വണ്ടിയോടിച്ച ഓട്ടോക്കാരനെ റോംഗ് സൈഡിൽ വന്ന് ഇടിച്ച് തെറിപ്പിച്ച് നാഷണൽ പെർമിറ്റ് ലോറി; റോഡിൽ പിടയുന്ന ഡ്രൈവറെ കണ്ടില്ലെന്ന് നടിച്ച് വെട്ടിത്തിരിച്ച് പോയി: സംഭവം എരുമേലിയിൽ
കോട്ടയം എരുമേലി പനമറ്റം ജംഗ്ഷനിൽ നാഷണൽ പെർമിറ്റ് ലോറി ഓട്ടോ ടാക്സിലിടിച്ചുണ്ടായ അപകടത്തിൽ ഓട്ടോ ഡ്രൈവർക്ക് ഗുരുതര പരിക്ക്. കഴിഞ്ഞ ദിവസം പുലർച്ചെ എരുമേലിയിലെ പത്ര വിതരണക്കാരനും ഓട്ടോ ഡ്രൈവറുമായ നേർച്ചപ്പാറ സ്വദേശി സണ്ണി സഞ്ചരിച്ച ഓട്ടോയിലാണ് നാഷണൽ പെർമിറ്റ് ലോറി എതിരെ പാഞ്ഞെത്തി ഇടിച്ചിട്ടത്.
ലോറി ഇടിച്ചു മറിഞ്ഞ ഓട്ടോയിൽ നിന്നും ഒടിഞ്ഞ കാലുമായി സണ്ണി റോഡിൽ നിന്നും എണീൽക്കുന്നതും അത് കണ്ടുകൊണ്ട് ലോറിയിലിരുന്ന ഡ്രൈവർ സണ്ണിയെ ആശുപത്രിയിലെത്തിക്കാൻ തയ്യാറാകാതെ നിർദാക്ഷിണ്യം ലോറി വെട്ടിതിരിച്ചു ഡ്രൈവ് ചെയ്തു പോകുന്നതും സമീപത്തെ സി സി ടി വി ദൃശ്യങ്ങളിൽ നിന്നും കാണാൻ കഴിയും. ഓട്ടോയിലുണ്ടായിരുന്ന യാത്രക്കാരന് പരിക്ക് ഏറ്റിട്ടുണ്ട്. ഓട്ടോ ഡ്രൈവർ സണ്ണി ഐ സി യു വിൽ ഗുരുതരാവസ്ഥയിലാണ്.
റോങ്ങ് സൈഡിലൂടെ വന്ന് ഓട്ടോ ഇടിച്ചിട്ട ലോറി ഡ്രൈവർ സഹജീവിയുടെ ജീവന് വില കൽപ്പിക്കാതെ കടന്നുകളഞ്ഞ നാഷണൽ പെർമിറ്റ് ലോറിയെ കുറിച്ച് വിവരങ്ങൾ കിട്ടിയിട്ടില്ല. ലോറി ഡ്രൈവറെ നിയമത്തിന് മുമ്പിൽ കൊണ്ടുവരാനായി പൊൻകുന്നം പോലീസ് ദൃശ്യങ്ങൾ പുറത്ത് വിട്ടിട്ടുണ്ട്. ലോറിയെക്കുറിച്ച് വിവരങ്ങൾ അറിയാവുന്നവർ 9497980314 എന്ന നമ്പറിൽ ബന്ധപ്പെടണമെന്ന് പൊൻകുന്നം പോലീസ് സ്റ്റേഷൻ ഉദ്യോഗസ്ഥർ അറിയിച്ചിട്ടുണ്ട്.
"
https://www.facebook.com/Malayalivartha