കനത്തമഴയിൽ റോഡ് ഗതാഗതം താറുമാറായി ; പ്രധാന പാതകൾ തുറക്കുന്നത് വരെ ബസ് സർവീസ് നിർത്തി വച്ചു
കേരളത്തിൽ നിന്നും കോഴിക്കോട് വഴി ബാംഗ്ലൂർ മൈസൂർ എന്നിവിടങ്ങളിലേക്കുള്ള കെഎസ്ആർടിസി , വോൾവോ, സ്കാനിയ എന്നീ മൾട്ടി ആക്സസ് സർവീസുകൾ പിൻവലിച്ചു. ബസുകളുടെ 24 വരെയുള്ള സർവീസുകൾ നിർത്തിവച്ചു. കനത്ത മഴയെ തുടർന്ന് റോഡുകൾ തകർന്നിരിക്കുന്ന അവസരത്തിലാണ് സർവീസുകൾ പിൻവലിച്ചിരിക്കുന്നത്.
താമരശേരിയിൽ ഗതാഗത മാർഗം തടസപ്പെട്ടിരിക്കുന്നതിനാൽ മാനന്തവാടി, തൊട്ടിൽപ്പാലം, കുറ്റിയാടി വഴിയാണ് സംസ്ഥാനാന്തര ബസുകൾ ഇപ്പോൾ സർവീസ് നടത്തുന്നത്. പലയിടത്തും വളരെ ഇടുങ്ങിയ പാതയായതിനാൽ വളരെ ബുദ്ധിമുട്ടിയാണ് വോൾവോ സ്കാനിയ ബസുകൾ സർവീസ് നടത്തുന്നത്. ഇതിനാലാണ് പ്രധാന പാതകൾ തുറക്കുന്നത് വരെ ബസുകൾ സർവീസ് നടത്തുന്നത് നിർത്തി വച്ചിരിക്കുന്നത്.
https://www.facebook.com/Malayalivartha