കുട്ടനാട്ടിലെ കാര്ഷിക വായ്പാ തട്ടിപ്പുകേസില് ഫാദര് തോമസ് പീലിയാനിക്കലിനെ ക്രൈംബ്രാഞ്ച് അറസ്റ്റു ചെയ്തു; കര്ഷകരുടെ വ്യാജ ഒപ്പിട്ട് ബാങ്ക് വായ്പ തട്ടിയെടുത്ത കേസിലാണ് അറസ്റ്റ്
കുട്ടനാട് വികസന സമിതിയുടെ കീഴില് പ്രവര്ത്തിക്കുന്ന കര്ഷക സംഘങ്ങളുടെ പേരില് വ്യാജ ഒപ്പിട്ട് വായ്പകള് തട്ടിയെടുത്ത കേസിലാണ് ഫാദര് പീലിയാനിക്കലിനെ കസ്റ്റഡിയിലെടുത്തതും മണിക്കൂറുകള്ക്കുള്ളില് അറസ്റ്റു രേഖപ്പെടുത്തിയതും. വിശദമായ ചോദ്യം ചെയ്യലിനുശേഷം ഫാദര് തോമസ് പീലിയാനിക്കലിന് വൈദ്യ പരിശോധന നടത്തി. ബുധനാഴ്ച കോടതിയില് ഹാജരാക്കും. നിരവധി തവണ ചോദ്യം ചെയ്യലിന് ഹാജരാവാന് ക്രൈംബ്രാഞ്ച് ആവശ്യപ്പെട്ടെങ്കിലും ഫാദര് പീലിയാനിക്കല് തയ്യാറായിരുന്നില്ല. തുടര്ന്നാണ് മങ്കൊമ്പിലെ കുട്ടനാട് വികസന സമിതിയുടെ ഓഫീസില് നിന്ന് ചോദ്യം ചെയ്യലിനായി ഫാദര് പീലിയാനിക്കലിനെ അന്വേഷണ സംഘം കസ്റ്റഡിയിലെടുത്ത്.
വ്യാജരേഖ ചമയ്ക്കല്, സാമ്പത്തിക തിരിമറി എന്നിവയാണ് പ്രധാന കുറ്റങ്ങള്. 14 കേസുകളാണ് ' ഫാദറിനെതിരെയുള്ളത്.
എന് സി പി പ്രാദേശിക നേതാവ് റോജോ ജോസഫ് ഉള്പ്പടെ മുഴുവന് കൂട്ടുപ്രതികളെയും ഉടന് അറസ്റ്റു ചെയ്യുമെന്ന് അന്വേഷണ സംഘം അറിയിച്ചു.
https://www.facebook.com/Malayalivartha