മാതാപിതാക്കള് എന്നോട് പിണങ്ങരുത്, ഞാന് മടങ്ങിവരും; ആലപ്പുഴയില് മകളുടെ വിവാഹത്തിനായുള്ള സാധനങ്ങളുമായി പിതാവ് ഓഡിറ്റോറിയത്തിലേക്ക്; വധൂ 40 പവന് സ്വര്ണവുമായി കാമുകന്റെ കൂടെ ഒളിച്ചോട്ടം
ആലപ്പുഴയില് വിവാഹത്തലേന്ന് 40 പവന് സ്വര്ണ്ണാഭരണങ്ങളുമായി 19 കാരി കാമുകനുമായി ഒളിച്ചോടി. ബുധനാഴ്ച രാത്രി 9 മണിയോടെയാണ് സംഭവം. ചാവക്കാട് സ്വദേശിയായ യുവാവുമായുള്ള വിവാഹം വ്യാഴാഴ്ച അമ്പലപ്പുഴയ്ക്കു സമീപത്തെ ഓഡിറ്റോറിയത്തില് നടക്കാനിരിക്കെയായിരുന്നു എന്നാല് യുവതിയുടെ വീട്ടില് നടന്ന വിവാഹ സല്ക്കാരത്തിനിടയില് യുവതി കാമുകന്റെ കൂടെ ഒളിച്ചോടുകയായിരുന്നു.
അതേസമയം പെണ്കുട്ടിയുടെ പിതാവ് വിവാഹ ചടങ്ങിനു വേണ്ട ബിരിയാണിക്കായുള്ള സാധനങ്ങളുമായി ഓഡിറ്റോറിയത്തിലേയ്ക്ക് പോവുകയായിരുന്നു. വണ്ടാനം സ്വദേശിയായ 20 കാരനുമായി പെണ്കുട്ടി പ്രണയത്തിലായിരുന്നു. ഇതേചൊല്ലി പെണ്കുട്ടിയുടെ വീട്ടില് സ്ഥിരം വഴക്കുണ്ടാകാറുണ്ടായിരുന്നു. വീട്ടില് നടത്തിയ തിരിച്ചിലില് പെണ്കുട്ടി എഴുതിയ കത്തും കണ്ടെത്തി. മാതാപിതാക്കള് എന്നോട് പിണങ്ങരുത്, ഞാന് മടങ്ങിവരും എന്നും കത്തില് പറയുന്നുണ്ട്.
പെണ്കുട്ടി ആഘോഷത്തിന് കാണാത്തത് ചിലരുടെ ശ്രദ്ധയില് പെട്ടെങ്കിലും. പെണ്കുട്ടി ഫോട്ടോഗ്രാഫര്ക്കു പോസ് ചെയ്യുകയാണെന്നായിരുന്നു എല്ലാവരും കരുതിയത്. തലേന്നു രാത്രി ബൈക്കില് എത്തിയ യുവാവുമൊന്നിച്ചായിരുന്നു യുവതിയുടെ ഒളിച്ചോട്ടം. ബന്ധുക്കളും അയല്വാസികളും അടക്കം നിരവധി പേര് രാത്രിയില് നടന്ന ഈ ചടങ്ങില് പങ്കെടുക്കുന്നുണ്ടായിരുന്നു.
https://www.facebook.com/Malayalivartha