മിനിസ്മാര്‍ട്ട് ബസുമായി കെഎസ്ആര്‍ടിസി... സംസ്ഥാനത്തെ വിമാനത്താവളങ്ങളിലെത്തുന്ന യാത്രയ്ക്കാര്‍ക്കായി മിനി സ്മാര്‍ട്ട് ബസുകള്‍ നിരത്തിലിറക്കുന്നു
സംസ്ഥാനത്തെ വിമാനത്താവളങ്ങളിലെത്തുന്ന യാത്രക്കാര്‍ക്കായി കെ.എസ്.ആര്‍.ടി.സി മിനി സ്മാര്‍ട്ട് ബസുകള്‍ നിരത്തിലിറക്കുന്നു. പരീക്ഷണാടിസ്ഥാനത്തില്‍ തിരുവനന്തപുരം, കൊച്ചി, കോഴിക്കോട് നഗരങ്ങളില്‍ മിനി ബസുകള്‍ സര്‍വ്വീസ് നടത്തും. ഫോര്‍ഡ് കമ്പനിയുമായുള്ള ധാരണ പ്രകാരം മൂന്ന് സ്മാര്‍ട്ട് ബസുകള്‍ കെ.എസ്.ആര്‍.ടി.സിക്കായി എത്തിക്കും.
പദ്ധതി വിജയിച്ചാല്‍ വാടക കരാര്‍ അടിസ്ഥാനത്തില്‍ കൂടുതല്‍ സ്മാര്‍ട്ട് ബസുകള്‍ നിരത്തിലിറക്കാനാണ് പദ്ധതി. വിമാനത്താവളങ്ങളില്‍ നിശ്ചിതസ്ഥലത്ത് ബസുകള്‍ക്ക് പാര്‍ക്ക് ചെയ്യുന്നതിന് എയര്‍പോര്‍ട്ട് അതോറിട്ടി അധികൃതരുമായി ഉടന്‍ കെ.എസ്.ആര്‍.ടി.സി ചര്‍ച്ച നടത്തും.
അത്യാധുനിക സൗകര്യങ്ങളായ സി.സി ടിവി കാമറ, ജി.പി.എസ്,എല്‍.ഇ.ഡി, എ.സി, 21 പുഷ്ബാക്ക് സീറ്റുകള്‍
ലഗേജ് വയ്ക്കാന്‍ പ്രത്യേക സംവിധാനം എന്നിവ ബസിലുണ്ടാകും.സമയനിഷ്ഠ പാലിച്ചുകൊണ്ട് ഏറ്റവും മികച്ച സേവനമായിരിക്കും സ്മാര്‍ട്ട് ബസിലൂടെ കെ.എസ്.ആര്‍.ടി.സി നല്‍കുക.
https://www.facebook.com/Malayalivartha
