സര്ക്കാര്, എയ്ഡഡ് കോളേജുകളിലെ ഗസ്റ്റ് അധ്യാപകരുടെ ശമ്പളം ഏതാണ്ട് ഇരട്ടിയാക്കാന് തീരുമാനം, വര്ധനയ്ക്ക് 2017 മാര്ച്ച് മുതല് മുന്കാല പ്രാബല്യമുണ്ടാകും
സര്ക്കാര്, എയ്ഡഡ് കോളേജുകളിലെ ഗസ്റ്റ് അധ്യാപകരുടെ ശമ്പളം ഏതാണ്ട് ഇരട്ടിയാക്കാന് തീരുമാനം. ധനമന്ത്രി ഡോ. തോമസ് ഐസക് ഒപ്പിട്ടതോടെ ഉത്തരവ് താമസിക്കാതെ പുറത്തിറങ്ങും. വര്ധനയ്ക്ക് 2017 മാര്ച്ച് മുതല് മുന്കാല പ്രാബല്യമുണ്ടാവും. ഗസ്റ്റ് അധ്യാപകരുടെ വേതനം കൂട്ടണമെന്നത് വര്ഷങ്ങളായുള്ള ആവശ്യമാണ്. വലിയ സാമ്പത്തികബാധ്യത കണക്കിലെടുത്താണ് ഇതുവരെ തീരുമാനം വൈകിയത്. ഇപ്പോഴുള്ള വര്ധനയനുസരിച്ച് യു.ജി.സി. യോഗ്യതയുള്ള സ്ഥിരം അധ്യാപകര്ക്ക് തുടക്കത്തില് കിട്ടുന്ന ശമ്പളവും ഗസ്റ്റ് അധ്യാപകരുടെ ശമ്പളവും തമ്മില് വലിയ അന്തരമില്ല.
ഗസ്റ്റ് അധ്യാപകരുടെ വേതനവര്ധന ഉന്നതവിദ്യാഭ്യാസത്തിന്റെ നിലവാരമുയര്ത്താന് സഹായകമാവുമെന്നാണ് സര്ക്കാരിന്റെ വിലയിരുത്തല്. ഗസ്റ്റ് അധ്യാപകര്ക്ക് ഇതുവരെ വേതനം നിശ്ചയിച്ചിരുന്നത് മണിക്കൂര് അടിസ്ഥാനത്തില്. പുതിയ ഉത്തരവില് ദിവസവേതനം. യു.ജി.സി. നിബന്ധനപ്രകാരം ദിവസം മൂന്നുമണിക്കൂറെങ്കിലും പഠിപ്പിക്കണം.
യു.ജി.സി. നെറ്റ് അല്ലെങ്കില് ജൂനിയര് റിസര്ച്ച് ഫെലോഷിപ്പ് (ജെ.ആര്.എഫ്.) ഉള്ളവര്ക്ക് ഇനി ലഭിക്കുക ദിവസം 1750 രൂപ. മാസം പരമാവധി 25 അധ്യയന ദിവസത്തേക്ക് 43,750 രൂപ. ഇതുവരെ കിട്ടിയിരുന്നത്: മണിക്കൂറിന് 500 രൂപയും മാസം പരമാവധി 25,000 രൂപയും. യു.ജി.സി. യോഗ്യതയില്ലാത്തവര്ക്ക് ദിവസം 1600 രൂപയും മാസം പരമാവധി 40,000 രൂപയും. ഇതുവരെ കിട്ടിയിരുന്നത്: മണിക്കൂറിന് 300 രൂപയും മാസം 20,000 രൂപയും.
സംസ്ഥാനത്തെ സര്ക്കാര്, എയ്ഡഡ് കോളേജുകളില് കുറഞ്ഞ വേതനത്തിന് ജോലിചെയ്യുന്ന ഏറെപ്പേരും അമിത ജോലിഭാരംകൊണ്ട് വലയുന്നവരാണ്. പഠിപ്പിക്കുന്നതിനുപുറമേ, പല കോളേജിലെയും പാഠ്യേതര പ്രവര്ത്തനങ്ങള്ക്ക് നേതൃത്വം വഹിക്കുന്നതും ഇവരാണ്.
https://www.facebook.com/Malayalivartha