കശ്മീരില് ഏറ്റുമുട്ടല്; പോലീസുകാരനെ തട്ടിക്കൊണ്ടുപോയി വധിച്ച മൂന്നു ഭീകരരെ സൈന്യം വെടിവെച്ച് കൊന്നു
തിരിച്ചടിച്ച് സൈന്യം. ജമ്മു കശ്മീരിലെ കുല്ഗാമില് സുരക്ഷാസേനയുമായുണ്ടായ ഏറ്റുമുട്ടലില് മൂന്നു ഭീകരര് കൊല്ലപ്പെട്ടു. പോലീസ് കോണ്സ്റ്റബിള് മുഹമ്മദ് സലിമിനെ കൊലപ്പെടുത്തിയശേഷം ഒളിവില്കഴിഞ്ഞ ഭീകരരെയാണു വകവരുത്തിയത്. ഞായറാഴ്ച പുലര്ച്ചെയായിരുന്നു ഏറ്റുമുട്ടല്.
കോണ്സ്റ്റബിളിന്റെ കൊലപാതകത്തെ തുടര്ന്ന് സൈന്യവും പോലീസും സംയുക്തമായി തെരച്ചില് നടത്തിവരികയായിരുന്നു. ഇതിനിടെ കുദ്വാനിയില് ഭീകരരുണ്ടെന്ന വിവരം ലഭിച്ചു. സേന സംയുക്തമായി മേഖല വളഞ്ഞു. ഇതോടെ ഭീകരര് വെടിവയ്പ് ആരംഭിച്ചു. സൈന്യവും തിരികെ വെടിയുതിര്ത്തു.
ഏറ്റുമുട്ടല് നടന്ന സ്ഥലത്തുനിന്നു മൂന്നു ഭീകരരുടെ മൃതദേഹങ്ങള് കണ്ടെടുത്തതായി ജമ്മു കശ്മീര് പോലീസ് മേധാവി എസ്.പി.വൈദ് അറിയിച്ചു. ഇവരില്നിന്ന് ആയുധങ്ങളും പിടിച്ചെടുത്തു. കൊല്ലപ്പെട്ട ഭീകരര് ഹിസ്ബുള് മുജാഹുദീന് സംഘടനയിലെ അംഗങ്ങളാണെന്നാണു സൂചന. ഇവരുടെ പേരുവിവരങ്ങള് പുറത്തുവിട്ടിട്ടില്ല.
https://www.facebook.com/Malayalivartha