അമ്മയെ തല്ലിയ അയല്‍വാസിയോടു പ്രതികാരം ചെയ്യാന്‍ യുവാവ് വാളുമായി മൂന്നുനിലക്കെട്ടിടത്തില്‍ വലിഞ്ഞു കയറി
എന്തും ക്ഷമിക്കും ഇതിനുമാത്രം മാപ്പില്ല. അമ്മയെ തല്ലിയതിനു അയല്‍വാസിയോടു പ്രതികാരം ചെയ്യാന്‍ വാളുമായി യുവാവ് വലിഞ്ഞു കയറിയത് മൂന്നുനിലകള്‍. മൂന്നു നിലയുള്ള ഫ് ളാറ്റിന്റെ പാരപ്പറ്റിലൂടെ വലിഞ്ഞു കയറി അയല്‍വാസിയുടെ താമസസ്ഥലത്ത് എത്തിയെങ്കിലും അകത്തു കടക്കാന്‍ യുവാവിനു സാധിച്ചില്ല. മുംബൈ ഭയന്തറിലെ പ്ലാനിറ്റേറിയ കോംപ്ലക്‌സിലായിരുന്നു സംഭവം. ധോണി ഗോപാല്‍ എന്ന ഇരുപതുകാരനായ കോളജ് വിദ്യാര്‍ത്ഥിയാണ് പ്രതികാരവാഞ്ഛയുമായി കെട്ടിടത്തിനു മുകളില്‍ വലിഞ്ഞു കയറിയത്.
വാക്കേറ്റത്തെ തുടര്‍ന്ന് അയല്‍വാസിയായി സ്ത്രീ അമ്മയെ മര്‍ദ്ദിച്ചതാണ് ധോണിയെ പ്രകോപിപ്പിച്ചത്. ഇതോടെ അയല്‍ക്കാരിയോടു പ്രതികാരം ചെയ്യാന്‍ വീട്ടിലുണ്ടായിരുന്ന വാളെടുത്ത് ധോണി അയല്‍വാസിയുടെ വീടിനു മുന്നിലെത്തി. എന്നാല്‍, സംഗതി പന്തിയല്ലെന്നു മനസ്സിലാക്കിയ അയല്‍വാസികള്‍ ധോണിക്കു മുന്നില്‍ വാതില്‍ അടച്ചു. ഇതോടെ കെട്ടിടത്തിന്റെ പാരപ്പെറ്റിലൂടെ ധോണി വലിഞ്ഞുകയറുകയായിരുന്നു.
മൂന്നാം നിലയിലെത്തിയെങ്കിലും കെട്ടിടത്തിനുള്ളിലേക്ക് കയറാന്‍ ധോണിക്ക് സാധിച്ചില്ല. തുടര്‍ന്ന് പാരപ്പറ്റില്‍ നിന്ന് ജനാല ചില്ലുകള്‍ അടിച്ചുടച്ച ശേഷമാണ് ഇയാള്‍ നിലത്തിറങ്ങിയത്. സംഭവം വാര്‍ത്തയായതോടെ പൊലീസ് എത്തി ധോണിയെ അറസ്റ്റ് ചെയ്തു. ധോണിയുടെ വീട്ടിലെ മതപരമായ ആവശ്യങ്ങള്‍ക്ക് ഉപയോഗിക്കുന്നതാണ് വാള്‍.
https://www.facebook.com/Malayalivartha
