സോഴ്സ് വെളിപ്പെടുത്താന് നിങ്ങള്ക്കാകുമോ? നിങ്ങളെ കാത്തിരിക്കുന്നത് 60 ശതമാനം നികുതി
ഏപ്രില് മുതല് സേവിങ്സ് ബാങ്കിലെത്തിയ പണത്തിന്റെ സോഴ്സ് വെളിപ്പെടുത്താന് സാധിച്ചില്ലെങ്കില് നിക്ഷേപിച്ചിട്ടുള്ള തുകയ്ക്ക് 60 ശതമാനം നികുതി അടയ്ക്കേണ്ടിവരും. പുതിയതായി ഭേദഗതി ചെയ്ത ആദായ നികുതി നിയമത്തില് നിക്ഷേപത്തിന്റെ പരിധി നിശ്ചയിച്ചിട്ടില്ലാത്തതിനാല് നിങ്ങളുടെ സേവിങ്സ് ബാങ്കില് നിക്ഷേപിച്ചിട്ടുള്ള തുകയ്ക്ക് 60 ശതമാനം നികുതി അടയ്ക്കാന് ആദായ നികുതി വകുപ്പ് ആവശ്യപ്പെട്ടേക്കാം. കഴിഞ്ഞ ഏപ്രില് മുതല് സേവിങ്സ് ബാങ്കിലെത്തിയ പണത്തിന്റെ സോഴ്സ് വെളിപ്പെടുത്താന് നിങ്ങള്ക്കാകുമെങ്കില് നികുതി ബാധ്യതയില് നിന്ന് രക്ഷപ്പെടാം.
2.5 ലക്ഷത്തിന് മുകളില് അക്കൗണ്ടിലെത്തിയാല് ആദായ നികുതി ബാധ്യതയുമുണ്ടാകും. ആദായ നികുതി അടയ്ക്കാത്ത തുകയാണ് നിക്ഷേപിക്കുന്നതെങ്കില് നടപടി നേരിടേണ്ടിവരും. 2.5 ലക്ഷം രൂപവരെയുളള നിക്ഷേപത്തിന് ഏതെങ്കിലും തരത്തിലുള്ള അന്വേഷണം ഉണ്ടാകില്ലെന്ന് പ്രധാനമന്ത്രിയും റവന്യു സെക്രട്ടറിയും വ്യക്തമാക്കിയിട്ടുണ്ട്.
ഇത് പ്രകാരം കഴിഞ്ഞ ഏപ്രില് ഒന്നിനുശേഷം മൊത്തം രണ്ടര ലക്ഷം രൂപയില് കൂടുതല് നിക്ഷേപം എത്തിയിട്ടുണ്ടെങ്കില് നിങ്ങളുടെ അക്കൗണ്ട് സൂക്ഷ്മ പരിശോധനയ്ക്ക് വിധേയമാക്കിയേക്കാം. പണത്തിന്റെ ഉറവിടം വ്യക്തമാക്കാന് കഴിഞ്ഞില്ലെങ്കില് പിഴയടക്കം 60 ശതമാനമാണ് അടയ്ക്കേണ്ടിവരിക. നിലവില് അക്കൗണ്ടില് പലപ്പോഴായി നിക്ഷേപിക്കുന്ന പണത്തെക്കുറിച്ച് ആദായനികുതി വകുപ്പ് പരിശോധന നടത്തിയിരുന്നില്ല.
https://www.facebook.com/Malayalivartha