ജെല്ലിക്കെട്ട്സമരം നടത്തുന്നവരെ മറീന ബീച്ചില് നിന്ന് പൊലീസ് ഒഴിപ്പിക്കുന്നു
ജെല്ലിക്കെട്ട് സമരം നടത്തുന്നവരെ ചെന്നൈയിലെ മറീന ബീച്ചില് നിന്ന് പൊലീസ് ഒഴിപ്പിക്കുന്നു. ജെല്ലിക്കെട്ട് വിഷയത്തില് സമരക്കാര്ക്കിടയില് ഭിന്നതയുണ്ടെന്ന് നേരത്തെ തന്നെ വാര്ത്തകള് പുറത്ത് വന്നിരുന്നു. ഇതിന് പിന്നാലെയാണ് പൊലീസിന്റെ നടപടി. ജെല്ലിക്കെട്ട് സംബന്ധിച്ച് ഓര്ഡിന്സ് ഇറക്കിയ സാഹചര്യത്തില് ഇനി സമരം തുടരേണ്ടന്ന നിലപാടിലാണ് ഒരു വിഭാഗം. എന്നാല് നിയമ നിര്മാണം നടത്തുന്നത് വരെ സമരവുമായി മുന്നോട്ട് പോകാനാണ് മറുവിഭാഗത്തിന്റെ തീരുമാനം.
ജെല്ലികെട്ടുമായി ബന്ധപ്പെട്ട ബില്ല് ഇന്ന് തമിഴ്നാട് നിയമസഭയില് അവതരിപ്പിക്കുമെന്നാണ് സൂചന. ഈ സഭ സമ്മേളനത്തില് തന്നെ ജെല്ലിക്കെട്ടുമായി ബന്ധപ്പെട്ടുള്ള നിയമ നിര്മ്മാണം നടത്താനാണ് തമിഴ്നാട് സര്ക്കാര് ലക്ഷ്യമിടുന്നത്. ജെല്ലികെട്ടുമായി ബന്ധപ്പെട്ടുള്ള കേസ് സുപ്രീംകോടതിയുടെ പരിഗണനയിലാണ്.
ജെല്ലികെട്ട് നടത്താന് അനുവദിക്കണമെന്നാവശ്യപ്പെട്ട് കഴിഞ്ഞ രണ്ടാഴ്ചയായി തമിഴ്നാടിന്റെ വിവിധ ഭാഗങ്ങളില് പ്രക്ഷോഭങ്ങള് നടന്നു വരികയാണ്. ചെന്നൈയിലെ മറീന ബീച്ചാണ് ജെല്ലികെട്ട് പ്രക്ഷോഭത്തിന്റെ കേന്ദ്രമായി ഉയര്ന്ന് വന്നത്. സമാനാതകളില്ലാത്ത പ്രക്ഷോഭമായിരുന്നു തമിഴ്നാട്ടില് നടന്നത്.
https://www.facebook.com/Malayalivartha