സി.ബി.എസ്.ഇ. നിര്‍ദ്ദേശം : സ്‌കൂള്‍ ബസില്‍ സ്പീഡ് ഗവേണറും സിസി.ടിവിയും സ്ഥാപിക്കാന്‍ കര്‍ശന നിര്‍ബന്ധം
സ്‌കൂള്‍ ബസില്‍ സ്പീഡ് ഗവേണര്‍ സി.ബി.എസ്.ഇ. നിര്‍ദേശം നല്‍കി. വിദ്യാര്‍ഥികളുടെ സുരക്ഷ മുന്‍നിര്‍ത്തിയാണ് തീരുമാനം. സുരക്ഷ സംബന്ധിച്ചു വിവിധ നിര്‍ദേശങ്ങളടങ്ങിയ സര്‍ക്കുലര്‍ സി.ബി.എസ്.ഇ പുറപ്പെടുവിച്ചു. എല്ലാ ബസിലും ജി.പി.എസ്. സംവിധാനവും സിസി.ടിവിയും ഘടിപ്പിക്കാനും നിര്‍ദേശമുണ്ട്. സ്‌കൂള്‍ മാനേജ്‌മെന്റിനും പ്രിന്‍സിപ്പലിനുമാണ് മാര്‍ഗനിര്‍ദേശങ്ങള്‍ പ്രാവര്‍ത്തികമാക്കേണ്ടതിന്റെ ഉത്തരവാദിത്വമെന്നും ഡെപ്യൂട്ടി സെക്രട്ടറി ശ്രീനിവാസന്‍ ഒപ്പുവച്ച ഉത്തരവില്‍ വ്യക്തമാക്കിയിട്ടുണ്ട്.
രാജ്യത്തെ 18,000 സി.ബി.എസ്.ഇ. സ്‌കൂളുകള്‍ക്കും കേന്ദ്രീയ വിദ്യാലയങ്ങള്‍ക്കും സര്‍ക്കുലര്‍ ബാധകമാണ്. പരിശീലനം ലഭിച്ച വനിതാ ഗാര്‍ഡ്, കണ്ടക്ടര്‍, െ്രെഡവര്‍ എന്നിവരല്ലാതെ പുറമെനിന്നുള്ള മറ്റാരെങ്കിലും ഒരുകാരണവശാലും ബസില്‍ വിദ്യാര്‍ഥികളുമായി യാത്രചെയ്യുന്ന സമയത്ത് ഉണ്ടാകാന്‍ പാടില്ലെന്ന കര്‍ശന നിര്‍ദേശവുമുണ്ട്. ബസില്‍ പി.ടി.എ. പ്രതിനിധികളായി ഏതെങ്കിലും ഒരാള്‍ക്ക് മേല്‍നോട്ടക്കാരനായി യാത്രചെയ്യാം.
വാഹനത്തിന്റെ വേഗം ഒരിക്കലും മണിക്കൂറില്‍ 40 കിലോമീറ്റര്‍ പരിധിയില്‍ കൂടാന്‍ പാടില്ല. ലംഘിക്കപ്പെട്ടതായി കണ്ടെത്തിയാല്‍ സ്‌കൂളിന്റെ അംഗീകാരം റദ്ദാക്കുന്നതുള്‍പ്പെടെയുള്ള നടപടികള്‍ സ്വീകരിക്കുമെന്നും വ്യക്തമാക്കിയിട്ടുണ്ട്.
താല്‍ക്കാലികമായി വാടകയ്ക്ക് ഓടുന്ന ബസാണെങ്കില്‍ ഓണ്‍ സ്‌കൂള്‍ ഡ്യൂട്ടി എന്ന് മുന്നില്‍ വലിയ അക്ഷരത്തില്‍ എഴുതിയിരിക്കണം. ഓരോ ബസിനും സ്‌കൂള്‍ അധികൃതര്‍ മൊബൈല്‍ ഫോണ്‍ നല്‍കണമെന്നും സ്‌കൂള്‍ വിദ്യാര്‍ഥികളുമായി പോകുന്ന സമയത്ത് നാലുചക്രവാഹനങ്ങളെ മറികടന്നു പോകരുതെന്നും നിര്‍ദേശിക്കുന്നു. ബസിന്റെ ജനലില്‍ കമ്പിയും വലയും ഘടിപ്പിച്ചിരിക്കണം. െ്രെഡവര്‍ക്ക് വലിയ വാഹനങ്ങള്‍ ഓടിച്ച് അഞ്ചുവര്‍ഷമെങ്കിലും പരിചയം വേണം.
ബസിന് മഞ്ഞ പെയിന്റാണ് ഉപയോഗിക്കേണ്ടത്. ബസിന്റെ ഇരുവശങ്ങളിലും മുന്നിലും സ്‌കൂളിന്റെ പേരുകള്‍ കറുത്ത അക്ഷരത്തില്‍ എഴുതണമെന്നും നിര്‍ദേശമുണ്ട്. വിദ്യാര്‍ഥികള്‍ 12 വയസിനു താഴെയുള്ളവരാണെങ്കില്‍ മൊത്തം സീറ്റിന്റെ ഒന്നര ഇരട്ടിയില്‍ കൂടുതല്‍ കുട്ടികളുമായി ഒരേസമയം യാത്രചെയ്യരുത്.
െ്രെഡവറുടെ പേര്, സ്ഥിരം വിലാസം, ടെലിഫോണ്‍ നമ്പര്‍, െ്രെഡവറുടെ ലൈസന്‍സ് നമ്പര്‍, ബാഡ്ജ് നമ്പര്‍, ട്രാന്‍സ്‌പോര്‍ട്ട് ഹെല്‍പ്പ് ലൈന്‍ നമ്പര്‍, വാഹനരജിസ്‌ട്രേഷന്‍ നമ്പര്‍ എന്നിവ ബസിനകത്തും പുറത്തും കാണുന്ന വിധത്തില്‍ പ്രദര്‍ശിപ്പിക്കണം. കുടിവെള്ളവും പ്രഥമശുശ്രൂഷാ ബോക്‌സും ഉണ്ടായിരിക്കണം .െ്രെഡവര്‍ ചാരനിറത്തിലുള്ള പാന്റും ജാക്കറ്റും അല്ലെങ്കില്‍ സംസ്ഥാന ഗതാഗത വകുപ്പ് നിര്‍ദേശിക്കുന്ന മറ്റു യൂണിഫോമോ ധരിക്കണം.
ഏതെങ്കിലും അപകടം വരുത്തിയതിനോ അപകടകരമായ രീതിയില്‍ വാഹനം ഓടിച്ചതിനോ അമിതവേഗത്തില്‍ ഓടിച്ചതിനോ ശിക്ഷിക്കപ്പെട്ട ആളെ െ്രെഡവറാക്കരുത്. വാഹനത്തിന് എമര്‍ജന്‍സി വാതിലുകള്‍ ഉണ്ടാകണം. ഐ.എസ്.ഐ മുദ്രയുള്ള അഞ്ചുകിലോ ഭാരമുള്ള എ.ബി.സി. തരം അഗ്‌നിശമനി വേണം. യാത്രയ്ക്കിടയില്‍ ബസിനകം പുറത്തുനിന്നു കാണുന്ന വിധത്തില്‍ ജനലുകള്‍ ഉണ്ടാവണം. ജനലുകളില്‍ കര്‍ട്ടണ്‍ പാടില്ലെന്നും നിര്‍ദേശമുണ്ട്. മുന്നറിയിപ്പ് ബെല്ലും വേണം. ഓരോ സ്‌കൂളിലും ഒരു ട്രാന്‍സ്‌പോര്‍ട്ട് മാനേജര്‍ ഉണ്ടായിരിക്കണമെന്നും ഇദ്ദേഹത്തിനായിരിക്കും വിദ്യാര്‍ഥികളുടെ യാത്രാസുരക്ഷ സംബന്ധിച്ച ഉത്തരവാദിത്വമെന്നും നിര്‍ദേശിച്ചിട്ടുണ്ട്.
https://www.facebook.com/Malayalivartha
