Widgets Magazine
24
Sep / 2017
Sunday

ജലവിഭവ വിനിയോഗവുമായി ബന്ധപ്പെട്ടു സംസ്ഥാനങ്ങള്‍ക്ക് റാങ്ക് നിശ്ചയിക്കാന്‍ കേന്ദ്ര സര്‍ക്കാര്‍ തീരുമാനം

20 MARCH 2017 08:44 AM IST
മലയാളി വാര്‍ത്ത

ജലവിഭവ വിനിയോഗവുമായി ബന്ധപ്പെട്ടു സംസ്ഥാനങ്ങള്‍ക്കു റാങ്ക് നിശ്ചയിക്കാന്‍ കേന്ദ്ര സര്‍ക്കാരിന്റെ തീരുമാനം. ജലം കൈകാര്യംചെയ്യല്‍ സൂചിക (ഡബ്ല്യു.എം.ഐ.) തയാറാക്കിയാണു റാങ്ക് നിശ്ചയിക്കുക. നിതി ആയോഗിനാണ് പദ്ധതി നിര്‍വഹണത്തിന്റെ ചുമതല. ജലം ഏതെല്ലാം വിധത്തില്‍ ഫലപ്രദമായി വിനിയോഗിച്ചെന്നു പരിശോധിക്കും. ഇതുമായി ബന്ധപ്പെട്ടാകും റാങ്ക് നിശ്ചയിക്കുക. ജലദൗര്‍ലഭ്യം പരിഹരിക്കുന്നതിന്റെ ഭാഗമായി രാജ്യത്തെ നദികളെ തമ്മില്‍ ബന്ധിപ്പിക്കുന്നതിനുള്ള നടപടികള്‍ക്കും കേന്ദ്ര സര്‍ക്കാര്‍ തുടക്കം കുറിച്ചു. മഴക്കുറവും വരള്‍ച്ചയും വര്‍ധിച്ചുവരുന്ന സാഹചര്യത്തിലാണ് നിതി ആയോഗിന്റെ തീരുമാനം.
ജലവിനിയോഗവുമായി ബന്ധപ്പെട്ട് സംസ്ഥാനങ്ങളുടെ ഓരോ നടപടിയും സൂക്ഷ്മമായി നിരീക്ഷിക്കും. തീരുമാനം അറിയിച്ചു സംസ്ഥാന ചീഫ്‌സെക്രട്ടറിമാര്‍ക്ക് നിതി ആയോഗ് ചീഫ് എക്‌സിക്യൂട്ടിവ് ഓഫിസര്‍ കത്തെഴുതിയിട്ടുണ്ട്. ഇക്കാര്യം വിശദീകരിക്കാന്‍ ഒരുമാസത്തിനുള്ളില്‍ നിതി ആയോഗ് ശില്‍പ്പശാലകളും സംഘടിപ്പിക്കും.
ജലവിതരണത്തിലെ കാര്യപ്രാപ്തി, ഗ്രാമീണ നഗരവ്യത്യാസമില്ലാതെ കുടിവെള്ള ലഭ്യത, ജലസേചനം, ഭൗമജല വിതരണം, നീര്‍ത്തട വികസന പദ്ധതികള്‍, ജലവിഭവമേഖലയിലെ മറ്റുനടപടികള്‍ എന്നിങ്ങനെയുള്ള 28 സൂചികകള്‍ പരിശോധിച്ചും വിശകലനം ചെയ്തും സംസ്ഥാനങ്ങളുടെ പട്ടിക ക്രമീകരിക്കും. 2016- 17 വര്‍ഷത്തിനിടെ ഈ 28 മേഖലയിലും മികച്ച നിലവാരം പുലര്‍ത്തിയ സംസ്ഥാനത്തിനാവും ഒന്നാംറാങ്ക് നല്‍കുക. ഇതിനകം അഞ്ചുമേഖലയിലെ പ്രകടനങ്ങള്‍ക്കു നിതി ആയോഗ് സംസ്ഥാനങ്ങള്‍ക്ക് റാങ്ക് നിശ്ചയിക്കുന്നുണ്ട്. ആരോഗ്യം, കാര്‍ഷിക പരിഷ്‌കരണം, ഊര്‍ജ ശേഷി, വിദ്യാഭ്യാസം, കറന്‍സി രഹിത ഇടപാട് എന്നിവയ്ക്കാണിത്.
കേന്ദ്ര സര്‍ക്കാറിന്റെ നോട്ട് നിരോധനവുമായി ബന്ധപ്പെട്ടാണ് കഴിഞ്ഞമാസം കറന്‍സി രഹിത ഇടപാടുകള്‍ക്കും റാങ്ക് ഏര്‍പ്പെടുത്തിയത്. രൂക്ഷമായ വരള്‍ച്ചയെ നേരിടാന്‍ ജലസേചന സൗകര്യങ്ങള്‍ വര്‍ധിപ്പിക്കുന്നതുമായി ബന്ധപ്പെട്ടു നബാര്‍ഡിനു കീഴില്‍ വിവിധ പദ്ധതികള്‍ നടപ്പാക്കാന്‍ 20,000 കോടി രൂപ കേന്ദ്ര സര്‍ക്കാര്‍ നീക്കിവച്ചിട്ടുണ്ട്. ഈ സര്‍ക്കാരിന്റെ കാലാവധി തീരുന്നതിനു മുമ്പായി 76 ലക്ഷം ഹെക്ടര്‍ ഭൂമി ജലസേചനപദ്ധതിക്കു കീഴില്‍ കൊണ്ടുവരാനാണ് ആലോചിക്കുന്നതെന്ന് കേന്ദ്ര മന്ത്രി രാജ്‌നാഥ് സിംഗ് വ്യക്തമാക്കി. ഉത്തരേന്ത്യന്‍ സംസ്ഥാനങ്ങള്‍ മാത്രമല്ല കേരളം ഉള്‍പ്പെടെയുള്ള മേഖലകളും വരള്‍ച്ചയിലേക്ക് നീങ്ങുന്നത് കേന്ദ്ര സര്‍ക്കാര്‍ ആശങ്കയോടെയാണ് നോക്കി കാണുന്നത്.
ആഭ്യന്തര ഉല്‍പാദനത്തേയും സാമ്പത്തിക വളര്‍ച്ചയേയും വരള്‍ച്ച ബാധിക്കുമെന്നത് ആശങ്ക വര്‍ധിപ്പിക്കുന്നു. വിവിധ കാരണങ്ങളാല്‍ പ്രതിസന്ധിയിലായ കാര്‍ഷിക മേഖല കൂടുതല്‍ തകര്‍ച്ചയിലേക്ക് നീങ്ങുന്നതിനും കാലാവസ്ഥാ വ്യതിയാനം മൂലമുള്ള വരള്‍ച്ച കാരണമായേക്കും

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
Most Read
latest News

കുലസ്ത്രീ ചമഞ്ഞ അവള്‍ക്കൊപ്പമല്ല ഞാന്‍.....  (5 hours ago)

ആണുങ്ങള്‍ പോലും പരസ്യമായി ചെയ്യാന്‍ അറയ്ക്കുന്നത് ചെയ്ത സീരിയല്‍ നടിമാരെ വിട്ടയച്ചത് പോലീസിന്റെ സുഖിപ്പിക്കല്‍  (5 hours ago)

ജയലളിതയുടെ മരണത്തില്‍ പുതിയ വെളിപ്പെടുത്തലുമായി മന്ത്രി  (6 hours ago)

നിര്‍മ്മല്‍ കൃഷ്ണ ചിട്ടിതട്ടിപ്പുമായി ബന്ധമില്ലെന്ന് വിഎസ് ശിവകുമാര്‍  (7 hours ago)

അടുത്ത ജന്മത്തില്‍ തനിക്ക് പൂണൂലിടുന്ന ബ്രാഹ്മണനാകണമെന്ന് സുരേഷ് ഗോപി  (7 hours ago)

ഇവര്‍ അധ്യാപരോ തീവ്രവാദികളോ? പ്രാഥമിക കൃത്യങ്ങള്‍ക്ക് പോലും വിടാതെ ദിവസം മുഴുവന്‍ വിദ്യാര്‍ത്ഥിയെ ക്ലാസിന് പുറത്ത് നിര്‍ത്തി  (7 hours ago)

ന​വ​രാ​ത്രി ഘോ​ഷ​യാ​ത്ര​യി​ൽ പ​ര​സ്യ ബോ​ര്‍​ഡു​ക​ള്‍ പാ​ടി​ല്ലെ​ന്ന് സ​ർ​ക്കാ​ർ  (7 hours ago)

തോമസ് ചാണ്ടിക്കെതിരെ ഉ​മ്മ​ൻ ചാ​ണ്ടി; മ​ന്ത്രി​ക്കെ​തി​രാ​യ ആ​രോ​പ​ണം ഗൗ​ര​വ​മു​ള്ള​തെ​ന്ന് ഉ​മ്മ​ൻ ചാ​ണ്ടി  (7 hours ago)

മെക്സിക്കോ വഹാക്ക തീരത്ത് വീണ്ടും ഭൂചലനം  (8 hours ago)

മഞ്ജു ദിലീപിന്റെ സിനിമയെ സപ്പോര്‍ട്ട് ചെയ്യുന്നത് എന്തിനുവേണ്ടി?  (8 hours ago)

ഗാസിയബാദില്‍ നഴ്‌സിനെ കൂട്ടബലാത്സംഗം ചെയ്ത് ദൃശ്യങ്ങള്‍ മൊബൈലില്‍ പകര്‍ത്തി  (8 hours ago)

ജയലളിതയുടെ ആശുപത്രി വാസത്തിൽ പറഞ്ഞതെല്ലാം നുണയായിരുന്നെന്ന് തമിഴ്‌നാട് മന്ത്രിയുടെ തുറന്നു പറച്ചില്‍  (8 hours ago)

നഴ്സുമാരുടെ സമരനായകൻ യുഎന്‍എ നേതാവ് ജാസ്മിന്‍ഷായ്ക്ക് വധഭീഷണി  (8 hours ago)

യുവതിയുടെ കഴുത്തില്‍ കയര്‍മുറുക്കി മോഷണം  (8 hours ago)

നോ​ട്ട് നി​രോ​ധ​നം സാ​ഹ​സം; സ​മ്പ​ദ്ഘ​ട​ന താ​ഴേ​ക്കെന്ന് മു​ൻ പ്ര​ധാ​ന​മ​ന്ത്രി​ മ​ൻ​മോ​ഹ​ൻ സിം​ഗ്  (8 hours ago)

Malayali Vartha Recommends