Widgets Magazine
24
Jun / 2017
Saturday

ബി.എസ്.പി നേതാവ് വെടിയേറ്റ് മരിച്ച നിലയില്‍

20 MARCH 2017 01:10 PM IST
മലയാളി വാര്‍ത്ത

അലഹബാദില്‍ ബി.എസ്.പി നേതാവിനെ വെടിയേറ്റ് മരിച്ച നിലയില്‍ കണ്ടെത്തി. മുഹമ്മദ് ഷാമിയെയാണ് സ്വവസതിയില്‍ മരിച്ച നിലയില്‍ കണ്ടെത്തിയത്. ബൈക്കിലെത്തിയ രണ്ടുപേര്‍ അദ്ദേഹത്തിന് നേരെ നിറയൊഴിക്കുകയായിരുന്നു. ഞായറാഴ്ച രാത്രിയാണ് സംഭവമുണ്ടായത്. രാഷ്ട്രീയ വൈരാഗ്യമല്ല കൊലപാതകത്തിന് പിന്നിലെന്നാണ് പൊലീസിന്റെ പ്രാഥമിക നിഗമനം.
ഉത്തര്‍പ്രദേശ് നിയമസഭ തെരഞ്ഞെടുപ്പുമായും കൊലപാതകത്തിന് ബന്ധമില്ലെന്നും പോലീസ് അറിയിച്ചു എന്നാല്‍, കൊലപാതകത്തില്‍ ഗൂഢാലോചനയുണ്ടെന്നും വിശദമായ അന്വേഷണം വേണമെന്നും മുഹമ്മദ് ഷാമിയുടെ ബന്ധുക്കള്‍ ആവശ്യപ്പെട്ടു. ഷാമിയുടെ മരണത്തില്‍ ബി.ജെ.പിക്ക് പങ്കുള്ളതായി പ്രാദേശിക ബി.എസ്.പി നേതാക്കള്‍ ആരോപണമുയര്‍ത്തിയിട്ടുണ്ട്. കഴിഞ്ഞ തദ്ദേശ തെരഞ്ഞെടുപ്പിന് ശേഷമാണ് ഷാമി എസ്.പിയില്‍ നിന്ന് രാജിവെച്ച് ബി.എസ്.പിയിലെത്തിയത്.
സമാജ്‌വാദി പാര്‍ട്ടി സ്ഥാനാര്‍ഥിയായി ഷാമി 2002ലെ നിയമസഭ തെരഞ്ഞെടുപ്പില്‍ മല്‍സരിച്ചിരുന്നു. കൊലപാതകത്തിന്റെ പശ്ചാത്തലത്തില്‍ പ്രദേശത്ത് പൊലീസ് നിരീക്ഷണം കര്‍ശനമാക്കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
Latest News
Most Read
Malayali Vartha Recommends
MalayaliVartha_300x250_GL