Widgets Magazine
24
Jun / 2017
Saturday

വിവാഹം കഴിഞ്ഞ് വിരുന്നിനെത്തിയ നവവധുവിനെ അയല്‍ക്കാരനായ കാമുകന്‍ കഴുത്തറുത്തു

20 MARCH 2017 03:00 PM IST
മലയാളി വാര്‍ത്ത

വിവാഹം കഴിഞ്ഞ് ആദ്യത്തെ ഹോളി ആഘോഷിക്കാന്‍ അമ്മയുടെ വീട്ടിലെത്തിയ നവവധുവിനെ അയല്‍ക്കാരനായ മുന്‍ കാമുകന്‍ കഴുത്തറുത്തതായി റിപ്പോര്‍ട്ട്. ഗാസിയാബാദിലെ സഹിബാബാദിലാണ് സംഭവം. ഗുരുതരാവസ്ഥയിലായ ഇരുപത്തിയാറുകാരി ആശുപത്രിയില്‍ ചികിത്സയിലാണ്. മാര്‍ച്ച് നാലിനാണ് സോനാപ്പേട്ട് സ്വദേശിയുമായി യുവതിയുടെ വിവാഹം നടന്നത്. പിന്നീട്, ഹോളി ആഘോഷത്തിന് വീട്ടിലെത്തിയപ്പോഴാണ് ദാരുണസംഭവമുണ്ടായത്. അയല്‍ക്കാരനായ രാജീവ് കശ്യപ് എന്നയാള്‍ വീട്ടിലേക്ക് കടന്നുകയറി യുവതിയുടെ കഴുത്തറുത്തശേഷം ഓടി രക്ഷപ്പെടുകയായിരുന്നു. കരച്ചില്‍കേട്ടെത്തിയ അയല്‍ക്കാരാണ് ആശുപത്രിയിലെത്തിച്ചത്.

സംഭവം നടക്കുമ്പോള്‍ യുവതി വീട്ടില്‍ തനിച്ചായിരുന്നു. രാജീവ് ആണ് തന്നെ ആക്രമിച്ചതെന്ന് യുവതി ഡോക്ടര്‍ക്ക് മൊഴി നല്‍കി. രാജീവ് നേരത്തെ തന്നെ വിവാഹം കഴിക്കാന്‍ ആഗ്രഹിച്ച് പ്രണയവുമായി എത്തിയിരുന്നു. ഇതിനിടയിലായിരുന്നു തന്റെ വിവാഹമെന്നും യുവതി പറഞ്ഞു. ഇരുവരും പ്രണയമുണ്ടായിരുന്നോ എന്നത് യുവതി വ്യക്തമാക്കിയിട്ടില്ല.


സംഭവത്തിന് പിന്നാലെ രാജീവ് ഒളിവില്‍ പോയിരിക്കുകയാണ്. അതിനിടെ രാജീവിനെതിരെ സ്വന്തം വീട്ടുകാരും പരാതിയുമായി പോലീസ് സ്‌റ്റേഷനിലെത്തി. രാജീവിന്റെ മോശം പ്രവര്‍ത്തികാരണം ഇയാളെ വീട്ടില്‍ നിന്നും പുറത്താക്കിയിരുന്നെന്നും ഇതേതുടര്‍ന്ന് തങ്ങളെ കൊലപ്പെടുത്താന്‍ ശ്രമിച്ചെന്നുമാണ് രക്ഷിതാക്കള്‍ പരാതി നല്‍കിയത്. പ്രതിക്കുവേണ്ടി പോലീസ് തിരച്ചില്‍ തുടരുകയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
Latest News
Most Read
Malayali Vartha Recommends
MalayaliVartha_300x250_GL