ഉത്തര്‍പ്രദേശിന്റെ പുതിയ മുഖ്യമന്ത്രിയായി ചുമതലയേറ്റ യോഗി ആദിത്യനാഥിന്റെ ആദ്യ നടപടി പെണ്‍കുട്ടികളെയും വനിതകളെയും ശല്യം ചെയ്യുന്ന പൂവാലന്മാരെ അകത്താക്കാന്‍ ആന്റി റോമിയോ സ്‌ക്വാഡ് രൂപീകരിച്ച് കൊണ്ട്.

വനിതാ കോളേജുകള്‍,ഷോപ്പ്,പൊതുവായ ഇടങ്ങള്‍ എന്നീ സ്ഥലങ്ങളില്‍ അനാവശ്യമായി നില്‍ക്കുന്ന യുവാക്കള്‍ക്ക് പണിയാകുമെന്നാണ് അവിടെ നിന്നുള്ള കേട്ടുകേള്‍വി. ഇതിന്റെ ആദ്യനടപടിയെന്നോണം ലക്‌നൗവില്‍ നിന്നും ഇന്നലെ ഗേള്‍സ് സ്‌കൂളിന് പുറത്ത് നിന്നും മൂന്ന് യുവാക്കളെ ആന്റി റോമിയോ സ്‌ക്വാഡ് അറസ്റ്റ് ചെയ്തിരുന്നു.

പെണ്‍കുട്ടികളുടെയും സ്ത്രീകളുടെയും സുരക്ഷയ്ക്ക് വേണ്ടിയാണ് ഇത്തരമൊരു നടപടി സ്വീകരിച്ചിരിക്കുന്നത് എന്ന് യോഗിയുടെ ഓഫീസില്‍ നിന്നും വ്യക്തമാക്കി. ഷോപ്പിംഗ് മാളുകള്‍,കോളേജ്,കോച്ചിങ് സെന്ററുകള്‍ എന്നിവിടങ്ങളില്‍ ആന്റി റോമിയോ സ്‌ക്വാഡിന്റെ മഫ്തി പോലീസുകള്‍ റോന്ത് ചുറ്റുന്നുണ്ടാവും.