യോഗി ആദിത്യനാഥിനെതിരെ ഫെയ്സ്ബുക്ക് പോസ്റ്റ്; യുവതിയ്ക്കെതിരെ പൊലീസ് കേസ്
ഉത്തര്പ്രദേശ് മുഖ്യമന്ത്രി യോഗി ആദിത്യ നാഥിനെതിരെ ഫെയ്സ്ബുക്കില് അപമാനിക്കുന്ന തരത്തിലുള്ള പോസ്റ് ചെയ്തുവെന്ന് ആരോപിച്ച് യുവതിയ്ക്കെതിരെ ബംഗ്ലൂരു കോടതി കേസ് രജിസ്റ്റര് ചെയ്യതു. ബിജെപി യുവമോര്ച്ച അംഗങ്ങള് അഡീഷണല് പൊലീസ് കമ്മീഷ്ണര്ക്ക് സമര്പ്പിച്ച പരാതിയിന്മേലായിരുന്നു യുവതിയ്ക്ക് നേരെ നടപടി കൈകൊണ്ടത്.
അസഭ്യമായി മോര്ഫ് ചെയ്ത യോഗി ആദിത്യനാഥിന്റെതെന്ന് തോന്നിപ്പിക്കുന്ന ചിത്രങ്ങള് തന്റെ ഫെയ്സ്ബുക്ക് പേജില് പോസ്റ്റ് ചെയ്തെന്നാരോപിച്ചാണ് പ്രഭ എന് ബേലവങ്കലയ്ക്ക് നേരെ കേസ് എടുത്തിരിക്കുന്നതെന്ന് അഡീഷണല് പൊലീസ് കമ്മീഷ്ണര് എസ്. രവി മാധ്യമങ്ങളോട് പറഞ്ഞു. അപകീര്ത്തിപ്പെടുത്താന് ശ്രമിച്ചു എന്ന ആരോപണത്തിന്റെ അടിസ്ഥാനത്തിലാണ് പ്രധാനമായും നടപടി സ്വീകരിക്കുകയെന്നും അദ്ദേഹം പറഞ്ഞു. ഐടി നിയമം 2000 പ്രകാരമാണ് യുവതിയ്ക്ക് നേരെ കേസ് രജിസ്റ്റര് ചെയ്യതിരിക്കുന്നത്.
മുന്പും ഇത്തരത്തിലുള്ള ചിത്രങ്ങള് സമൂഹമാധ്യമങ്ങള് വഴി പ്രചരിപ്പിക്കാന് ഇവര് ശ്രമിച്ചിരുന്നതായി ബിജെപി യുവമോര്ച്ച പ്രസിഡന്റ് സപ്തഗിരി ഗൗഡ ആരോപിച്ചു. ഇത്തരക്കാര്ക്കെതിരെ നിയമത്തിലൂടെ ശക്തമായ നടപടികള് സ്വീകരിക്കണമെന്നും അദ്ദേഹം പറഞ്ഞു.
വേര്തിരിവില്ലാത്ത ഭരണം കാഴ്ച വെയ്ക്കുമെന്ന് പ്രഖ്യാപിച്ചാണ് യോഗി ആദിത്യനാഥ് കഴിഞ്ഞ ദിവസം ഉത്തര്പ്രദേശ് മുഖ്യമന്ത്രിയായത്. എന്നാല് അധികാരത്തിലേറി ദിവസങ്ങള് പിന്നിടുമ്പോഴേയ്ക്കും തന്റെ ഭരണത്തിന്റെ മറ്റൊരു മുഖം കൂടി പുറത്തുവരുന്നുവെന്ന ആക്ഷേപവും പ്രമുഖര് ഉന്നയിച്ചു
https://www.facebook.com/Malayalivartha