നടന്നുപോയ യുവതികളോട് ബൈക്കിലെത്തിയവര് ചെയ്തത്; വിശ്വസിക്കാനാവാതെ സിസിടിവി ദൃശ്യങ്ങള്
ബംഗലൂരു നഗരത്തില് സ്ത്രീ സുരക്ഷ വെല്ലുവിളിയായി തുടരുന്നതായി റിപ്പോര്ട്ട്. നഗരത്തിലൂടെ കഴിഞ്ഞ രാത്രി നടന്നുപോയ സ്ത്രീകള്ക്കു നേരെയുണ്ടായ ആക്രമണമാണ് ഇതിനു കാരണം. ഒറ്റപ്പെട്ട നിരത്തിലൂടെ നടന്നുപോയ രണ്ട് സ്ത്രീകളെ ബൈക്കിലെത്തിയ രണ്ട് യുവാക്കള് കടന്നുപിടിക്കുകയായിരുന്നു. ഈ ദൃശ്യം സിസിടിവി കാമറയില് പതിഞ്ഞതോടെയാണ് പുറംലോകമറിഞ്ഞത്.
വിജയനഗറിലാണ് സംഭവം. നിരത്തിലൂടെ നടന്നുപോയ യുവതികളെ പിന്നിലൂടെ ബൈക്കിലെത്തിയ യുവാക്കള് കടന്നുപിടിക്കുകയും ലൈംഗിക താല്പര്യത്തോടെ ശരീരത്തില് തടവുകയും ചെയ്യുന്ന ദൃശ്യമാണ് കാമറിയില് പതിഞ്ഞിരിക്കുന്നത്. വീഡിയോ ദൃശ്യം നവമാധ്യമങ്ങളിലൂടെ പ്രചരിക്കുന്നുണ്ടെങ്കിലും ഇതുവരെ പരാതിയുമായി ആരും മുന്നോട്ടുവന്നിട്ടില്ലെന്നതും ശ്രദ്ധേയമാണ്. വീഡിയോ ദൃശ്യത്തിന്റെ അടിസ്ഥാനത്തില് പ്രതികളെ പിടികൂടാനുള്ള ശ്രമത്തിലാണെന്ന് പോലീസ് പറഞ്ഞു.
ബംഗലൂരിവിന്റെ പല കോണുകളിലും കഴിഞ്ഞ മാസങ്ങളില് സ്ത്രീകള്ക്കു നേരെ വ്യാപകമായി അതിക്രമങ്ങള് നടന്നുവെന്നാണ് റിപ്പോര്ട്ട്. എന്നാല് ആരും തന്നെ പരാതിപ്പെടാന് തയ്യാറാകുന്നില്ല. പുതുവര്ഷ രാവില് ആഘോഷം കഴിഞ്ഞ മടങ്ങിയ യുവതിയെ ബൈക്കിലെത്തിയ യുവാക്കള് കടന്നുപിടിച്ച് ആക്രമിക്കുന്ന ദൃശ്യം നവമാധ്യമങ്ങളിലൂടെ പുറത്തുവന്നപ്പോള് ഞെട്ടിയത് രാജ്യം മുഴുവനായിരുന്നു. എം.ജി റോഡില് യുവതികള്ക്കു നേരെ അന്ന് വ്യാപകമായ ആക്രമണമാണ് നടന്നിരുന്നത്.
https://www.facebook.com/Malayalivartha