രാത്രികാലങ്ങളില് സ്ത്രീകളെ ജോലിക്ക് നിയോഗിക്കരുതെന്ന് ഐ.ടി.കമ്പനികള്ക്ക് സര്ക്കാരിന്റെ നിര്ദ്ദേശം
രാത്രികാലങ്ങളിലെ ജോലിക്ക് സ്ത്രീകളെ നിയോഗിക്കരുതെന്ന് ഐ.ടി.കമ്പനികള്ക്ക് സര്ക്കാരിന്റെ നിര്ദ്ദേശം. സംസ്ഥാനത്തെ ബയോ ടെക്നോളജി സ്ഥാപനങ്ങളും പുതിയ നിര്ദേശം നല്കിയിട്ടുണ്ട്. സ്ത്രീകളുടെ സുരക്ഷ മുന്നിര്ത്തിയാണ് കര്ണാടക സര്ക്കാരിന്റെ ഈ നിര്ദേശം. വനിതാ ശിശുക്ഷേമ സമിതി നിയമസഭാ തലവന് എന്.എ ഹാരിസ് ആണ് പുതിയ നിര്ദ്ദേശം മുന്നോട്ട് വച്ചത്.
രാത്രി ജോലിക്ക് പകരം രാവിലെയും ഉച്ചയ്ക്കുമായി ജോലി ക്രമീകരിക്കാനാണ് എന്.എ ഹാരിസിന്റെ നിര്ദ്ദേശം. കഴിഞ്ഞ ദിവസം ചേര്ന്ന നിയമസഭാ സമ്മേളനത്തിലാണ് സ്ത്രീ സുരക്ഷാ മുന്നിര്ത്തി പുതിയ നിര്ദ്ദേശം മുന്നോട്ട് വച്ചത്. വനിതാ ശിശുക്ഷേമ സമിതിയുടെ നേതൃത്വത്തിലുള്ള കമ്മിറ്റി കഴിഞ്ഞ വര്ഷം സെപ്തംബറില് ഇന്ഫോസിസ്, ബയോകോണ് എന്നീ കമ്പനികള് സന്ദര്ശിച്ചിച്ചിരുന്നു. ഈ കമ്പനികളുടെ മാനേജ്മെന്റ്, സ്ഥാപനത്തിലെ ജീവനക്കാര് എന്നിവരില് നിന്നും ലഭിച്ച വിവരങ്ങളുടെ അടിസ്ഥാനത്തിലാണ് പുതിയ നിര്ദ്ദേശം നല്കിയത്.
രാത്രി കാലങ്ങളില് സ്ത്രീകള് ജോലി ചെയ്യുന്നതുമായി ബന്ധപ്പെട്ട് നിലനിന്നിരുന്ന നിയന്ത്രണം എടുത്തുമാറ്റി കഴിഞ്ഞ വര്ഷം ചരിത്രപരമായ തീരുമാനം കര്ണാടക സര്ക്കാര് നടപ്പിലാക്കിയിരുന്നു. തൊഴിലിടങ്ങളില് സ്ത്രീക്കും പുരുഷനും തുല്യ അവസരങ്ങള് ലഭ്യമാക്കുക എന്ന ലക്ഷ്യവുമായിട്ടായിരുന്നു സര്ക്കാരിന്റെ ഈ നടപടി.
എന്നാല് ഈ നടപടിക്ക് വിരുദ്ധമായിട്ടാണ് കഴിഞ്ഞ ദിവസം നിയമസഭയില് കൈകൊണ്ട തീരുമാനം.
സ്ത്രികള്ക്ക് എതിരെ അരങ്ങേറുന്ന ക്രിമിനല് കുറ്റകൃത്യങ്ങളെ സംബന്ധിച്ച് നിലനില്ക്കുന്ന നിയമങ്ങളില് ഭേദഗതി വരുത്തണമെന്നും ഹാരിസ് നിര്ദ്ദേശം നല്കിയിട്ടുണ്ട്. കൂടാതെ, ഫാക്ടറികളില് ജോലി ചെയ്യുന്ന സ്ത്രീകള്ക്ക് ബസ് സൗകര്യം ഒരുക്കുക, വയോധികര്, കുട്ടികള്, സത്രീകള് എന്നിവര്ക്ക് പൊലീസിനെയും, ആമ്പുലന്സിനെയും സമീപിക്കാനുള്ള ടോള് ഫ്രീ നമ്പറുകള് കൊണ്ടുവരിക, ബെംഗളൂരു നഗരത്തിലുള്ള പിങ്ക് പൊലീസിന്റെ സേവനങ്ങള് സംസ്ഥാനത്തെ മറ്റ് ജില്ലകളിലേക്കും വ്യാപിപ്പിക്കുക എന്നിവയാണ് കമ്മിറ്റി മുന്നോട്ട് വയ്ക്കുന്ന മറ്റ് നിര്ദ്ദേശങ്ങള്.
https://www.facebook.com/Malayalivartha