പെണ്കുഞ്ഞിനെ നാട്ടുകാര് രക്ഷപെടുത്തി ; ആശുപത്രിയില് പ്രവേശിപ്പിച്ചു വീഡിയോ...
ജനിച്ച് വെറും നാലു മുതല് ആറു മണിക്കൂര് മാത്രമായ പെണ്കുഞ്ഞിനെ ജീവനോടെ സംസ്കരിച്ചു. കുഞ്ഞിന്റെ ശരീരം പൊതിഞ്ഞ നീല വസ്ത്രവും കുഞ്ഞിക്കാലുകളും സമീപവാസികള് കണ്ടതോടെ മണ്ണ് മാറ്റി കുഞ്ഞിനെ പുറത്തെടുക്കുകയായിരുന്നു. ഒഡിഷയിലെ ജയ്പ്പൂര് ജില്ലയിലാണ് മനഃസാക്ഷിയെ മരവിപ്പിച്ച ഈ സംഭവം നടന്നത്. ആ സമയം അതുവഴികടന്നുപോയ അലോക് രഞ്ജന് റൗട്ടാണ് കുഞ്ഞിനെ രക്ഷപ്പെടുത്തിയത്. മണ്ണില് നിന്ന് പുറത്തെടുത്ത ഉടന് തന്നെ കുഞ്ഞിനെ തൊട്ടടുത്തുള്ള കമ്യൂണിറ്റി ഹെല്ത്ത് സെന്ററിലേക്ക് മാറ്റി. ആരോഗ്യനില മെച്ചപ്പെട്ടു വരുകയാണെന്ന് ആശുപത്രി അധികൃതര് അറിയിച്ചു. ഭൂമിയില് നിന്ന് കിട്ടിയ കുഞ്ഞായതുകൊണ്ട് ആശുപത്രിയിലെ ജീവനക്കാര് അവള്ക്ക് ധരിത്രി എന്ന് പേരിട്ടു.
അധികമാരുടേയും ശ്രദ്ധയെത്താത്ത പ്രദേശത്തായിരുന്നു കുഞ്ഞിനെ കുഴിച്ചുമൂടിയ നിലയില് കണ്ടെത്തിയത്. ഇവിടെത്തിയ നാട്ടുകാരില് ചിലര് മണ്ണില് അനക്കം കണ്ട് പരിശോധിക്കുകയായിരുന്നു. മണ്ണ് നീക്കി നോക്കുമ്പോള് തുണിയില് പൊതിഞ്ഞ നിലയില് കുഞ്ഞിനെ പുറത്തെടുത്തു. കുഞ്ഞ് കൈകാലുകള് അനക്കിയതോടെ ജീവനുണ്ടെന്ന് വ്യക്തമായി തുടര്ന്ന് അടുത്തുള്ള ദര്മ്മശാല ആശുപത്രിയിലേക്ക് കൊണ്ടുപോകുകയായിരുന്നു. കുഞ്ഞിന് പ്രാഥമിക ചികിത്സകള് നല്കിയെന്നും സുഖം പ്രാപിച്ചു വരികയാണെന്നും ജാജ്പൂര് ജില്ലാ ചീഫ് മെഡിക്കല് ഓഫീസര് ഫനീന്ദ്ര കുമാര് പറഞ്ഞു. കുഞ്ഞിന് പൂര്ണ്ണ ആരോഗ്യമുണ്ടെന്നും 2.5 കിലോ ഭാരമുണ്ടെന്നും അദ്ദേഹം വ്യക്തമാക്കി.
ആശുപത്രിയില് ചികിത്സയ്ക്ക് ശേഷം കുഞ്ഞിനെ ചൈല്ഡ് വെല്ഫെയല് കമ്മിറ്റിക്ക് കൈമാറി. കുഞ്ഞിന്റെ മാതാപിതാക്കളെ കണ്ടെത്താനുള്ള അന്വേഷണം ആരംഭിച്ചതായി പ്രാദേശിക പൊലീസ് ഓഫീസര് ജ്യോതി പ്രകാശ് പാന്ഡ പറഞ്ഞു. കുഞ്ഞിനെ ഉപേക്ഷിക്കുക എന്ന ലക്ഷ്യത്തോടെയാകാം മാതാപിതാക്കള് ഈ ക്രൂര കൃത്യം ചെയ്തതെന്നും പൊലീസ് വ്യക്തമാക്കി
https://www.facebook.com/Malayalivartha