കഠിന പ്രയത്നം കൊണ്ട് തന്റെ സ്വപ്നത്തിലേക്ക് നടന്നടുത്ത പൊലീസ് ഓഫീസര്
പതിനേഴാം വയസില് വിവാഹം കഴിഞ്ഞും കഠിനപ്രയത്നം കൊണ്ട് തന്റെ സ്വപ്നത്തിലേക്ക് നടന്നടുത്ത ഈ പൊലീസ് ഓഫീസര് ശ്രദ്ധ നേടുകയാണ്. അനിതപ്രഭ വ്യത്യസ്തയാകുന്നതിങ്ങനെയാണ്.1991 ല് ഉത്തര് പ്രദേശിലെ അനുപ്പൂര് ജില്ലയില് അധ്യാപകദമ്പതികളുടെ മകളായി ജനിച്ച അനിതപ്രഭ 92 ശതമാനം മാര്ക്കോടെയാണ് എസ്എസ്എല്സി പരീക്ഷ ജയിച്ചത്. തന്റെ വിഭാഗത്തിന്റെ ആചാരപ്രകാരം 17 ാം വയസില് വിവാഹിതയാകേണ്ടി വന്ന അനിത പക്ഷെ പിന്നീടും പഠിക്കണമെന്ന തന്റെ ആഗ്രഹം ഭര്ത്താവിനെ അറിയിച്ചു. അനിതയെക്കാള് 10 വയസ് മുതിര്ന്ന ഭര്ത്താവും വീട്ടുകാരും അനിതയുടെ ആഗ്രഹത്തെ എതിര്ത്തില്ല.
പക്ഷെ മൂന്നു വര്ഷം കൊണ്ട് പൂര്ത്തിയാക്കേണ്ട ഡിഗ്രി പഠനം ഭര്ത്താവിന് ഒരു അപകടം പറ്റിയതോടെ നാല് വര്ഷം കൊണ്ട് മാത്രമാണ് അനിതയ്ക്ക് എഴുതാന് കഴിഞ്ഞത്. തന്നെ ഏറ്റവും അധികം പ്രോല്സാഹിപ്പിച്ച ഭര്ത്താവിനെ പരിചരിക്കാന് സമയം കണ്ടെത്തുകയായിരുന്നു ഒരു വര്ഷത്തോളം അനിതപ്രഭ. 2013 ല് വനം വകുപ്പില് മധ്യപ്രദേശ് പിഎസ്സി വഴി ജോലിക്ക് കയറിയെങ്കിലും പൊലീസ് ഉദ്യോഗസ്ഥയാകുക എന്ന മോഹമായിരുന്നു അനിതയുടെ ഉള്ളില്.
ഇതിനിടയിലാണ് അനിതയ്ക്ക് ഓവറിയില് ട്യൂമര് നീക്കം ചെയ്യാനുള്ള സര്ജറിക്ക് വിധേയയാവേണ്ടി വന്നത്. ഭര്ത്താവ് വിവാഹമോചനം നേടാന് കേസും ഫയല് ചെയ്തു. എന്നാല് ഇതൊന്നും അനിതയ്ക്ക് ലക്ഷ്യത്തില് നിന്ന് മാറാനുള്ള ഘടകങ്ങളായിരുന്നില്ല. രണ്ട് പ്രാവശ്യം സബ് ഇന്സ്പെക്ടര് പരീക്ഷയെഴുതിയ അനിത ഇപ്പോള് ജില്ലാ പൊലീസ് സൂപ്രണ്ട് ലിസ്റ്റില് തിരഞ്ഞെടുക്കപ്പെട്ടിരിക്കുകയാണ്. ഓരോ പെണ്കുട്ടിയും തന്റെ വിദ്യാഭ്യാസം നേടേണ്ടതിന്റെ പ്രാധാന്യം മനസിലാക്കണമെന്നും കഠിനാദ്വാനത്തിലൂടെ സ്വപ്നങ്ങള് നേടിയെടുക്കണമെന്നുമുള്ളതിന് പ്രോത്സാഹനമാണ് അനിതപ്രഭയുടെ കഥ.
https://www.facebook.com/Malayalivartha