ഗുജറാത്ത് നിയമസഭയുടെ ബജറ്റ് സമ്മേളനം രണ്ടുവര്‍ഷത്തെ ഇടവേളയ്ക്കു ശേഷം അമിത് ഷാ നിയമസഭയിലെത്തുന്നു
ഗുജറാത്ത് നിയമസഭയുടെ ബജറ്റ് സമ്മേളനം നാളെ അവസാനിക്കാനിരിക്കെ, രണ്ടുവര്‍ഷമായി സഭയിലെത്താത്ത ഒരംഗം ഇന്നു പങ്കെടുക്കും. ബിജെപി ദേശീയ അധ്യക്ഷന്‍ അമിത് ഷാ. നാരാണാപുരയില്‍ നിന്നുള്ള എംഎല്‍എയായ ഷാ, ദേശീയ രാഷ്ട്രീയപ്രവേശനത്തിനു ശേഷം സഭാ സമ്മേളനത്തില്‍ പങ്കെടുത്തിരുന്നില്ല. 2015 മാര്‍ച്ചിലാണ് ഷാ അവസാനമായി സഭയിലെത്തിയത്. കഴിഞ്ഞ മൂന്നു പ്രാവശ്യം നിയമസഭയിലേക്കു ജയിച്ചുകയറിയ ഷാ ഇക്കുറി മത്സരിച്ചേക്കില്ല.
ഉറ്റ സുഹൃത്തും അഹമ്മദാബാദ് മേയറുമായ ഗൗതം ഷാ നാരാണാപുരയില്‍ ഈ വര്‍ഷം നടക്കാനിരിക്കുന്ന തിരഞ്ഞെടുപ്പില്‍ സ്ഥാനാര്‍ഥിയായേക്കും. യുപി അടക്കമുള്ള സംസ്ഥാനങ്ങളില്‍ അടുത്തിടെ നടന്ന നിയമസഭാ തിരഞ്ഞെടുപ്പില്‍ ബിജെപിക്കുണ്ടായ േനട്ടത്തിന്റെ ആസൂത്രകനായ അമിത് ഷായ്ക്ക് ഇന്ന് അഹമ്മദാബാദില്‍ വിപുലമായ സ്വീകരണമാണ് ഒരുക്കിയിരിക്കുന്നത്.
വിജയ് വിശ്വാസ് കാര്യകര്‍ത്താ സമ്മേളനത്തില്‍ മുഖ്യമന്ത്രിയടക്കമുള്ള ഉന്നത നേതാക്കള്‍ സന്നിഹിതരാകും. സ്വീകരണ സമ്മേളനത്തിനു ശേഷമായിരിക്കും ഷാ നിയമസഭാ സമ്മേളനത്തില്‍ പങ്കെടുക്കുക.
https://www.facebook.com/Malayalivartha
