പശുക്കള്‍ക്കും ആധാര്‍ വരുന്നു; കേന്ദ്ര സര്ക്കാരിന്റെ നീക്കത്തിന് നേരെ ട്വിറ്ററില്‍ നാട്ടുകാരുടെ തകര്‍പ്പന്‍ പരിഹാസം
പശുക്കള്‍ക്കും ആധാറിന് സമാനമായ തിരിച്ചറിയല്‍ രേഖ ഏര്‍പ്പെടുത്താന്‍ കേന്ദ്രനീക്കം. പശുസംരക്ഷണത്തിനും കാലിക്കടത്ത് തടയുന്നതിനുമായി സുപ്രീംകോടതിക്ക് സമര്‍പ്പിച്ച റിപ്പോര്‍ട്ടിലാണ് ഇതു സംബന്ധിച്ച നിര്‍ദ്ദേശമുള്ളത്. ഇന്ത്യബംഗ്ലാദേശ് അതിര്‍ത്തിയില്‍ വര്‍ധിച്ചുവരുന്ന കാലിക്കടത്ത് പരിശോധിക്കാന്‍ സര്‍ക്കാര്‍ നിയോഗിച്ച സമിതിയുടേതാണ് റിപ്പോര്‍ട്ട്. ആഭ്യന്തരമന്ത്രാലയത്തിലെ ജോയന്റ് സെക്രട്ടറിയാണ് സമിതി തലവന്‍.
രാജ്യത്തെ എല്ലാ പശുക്കള്‍ക്കും അവയുടെ പരമ്പരകള്‍ക്കും യു.ഐ.ഡി (യൂണീക് ഐഡന്റിഫിക്കേഷന്‍) നമ്പര്‍ നല്‍കണമെന്നാണ് സമിതിയുടെ പ്രധാന ശുപാര്‍ശ. കടത്തുന്ന പശുക്കളെ എളുപ്പത്തില്‍ കണ്ടെത്താന്‍ വേണ്ടിയാണിത്.പ്രായം, ഇനം, ലിംഗം, പാലുത്പാദനം, ഉയരം, നിറം, കൊമ്പിന്റെയും വാലിന്റെയും പ്രതേകത, പുള്ളികളും മറ്റ് അടയാളങ്ങളും എന്നീ വിവരങ്ങള്‍ തിരിച്ചറിയല്‍ രേഖയില്‍ ഉള്‍പ്പെടുത്തണം. പശുവിന്റെ ഉടമയാണ് രേഖ സൂക്ഷിക്കേണ്ടത്. ഗവണ്‍മെന്റിന്റെ ഈ തീരുമാനം പരിഹാസ്യമാണെന്ന് കോണ്‍ഗ്രസ് നേതാവ് രാജീവ് ശുക്ല പ്രതികരിച്ചു.
https://www.facebook.com/Malayalivartha
