ഇനിയെങ്കിലും ശ്രദ്ധിക്കണം: ബസ് യാത്രയ്ക്കിടെ ഛര്ദ്ദിക്കാനായി തല പുറത്തേയ്ക്കിട്ട കുട്ടിയ്ക്ക് ദാരുണാന്ത്യം
ബസ് യാത്രയ്ക്കിടെ കുട്ടികളായാലും മുതിര്ന്നവരായാലും ഛര്ദ്ദിക്കുക പതിവ് സംഭവമാണ്. എന്നാല് ഛര്ദ്ദിക്കുമ്പോള് മറ്റ് യാത്രക്കാര്ക്ക് അസൗകര്യമാവാതിരിക്കാന് ഇവര് തല മുഴുവനും പുറത്ത് കാണിച്ചാണ് ഛര്ദ്ദിക്കുന്നത്. അങ്ങനെ ചെയ്താലും ചില ആള്ക്കാര് അവരോട് ദേഷ്യം കാണിക്കുകയും ചെയ്യും.
ഛര്ദ്ദിക്കാനായി തലപുറത്തിടുന്നവര് ശ്രദ്ധിക്കേണ്ടത് എതിരെ വാഹനങ്ങള് വരുന്നോയെന്നും അപകടകരമായ തരത്തില് ഇലക്ട്രിക് പോസ്റ്റോ മറ്റ് മരങ്ങളോയെന്തെങ്കിലും നില്ക്കുന്നോയെന്ന് ഒരു നിമിഷം നോക്കണം. ഛര്ദ്ദിക്കാനായി തല പുറത്തേക്കിട്ട കുട്ടി ഇലക്ട്രിക് പോസ്റ്റില് തലയിടിച്ചു മരിച്ചു. ഇടിയുടെ ആഘാതത്തില് കുട്ടിയുടെ തലയും ഉടലും വേര്പെട്ടു.
ഗൂഡല്ലര് നിന്ന് ആറളം ഫാമിലേക്ക് വരികയായിരുന്ന ഷിബിന് (13) ആണ് മരിച്ചത്. ആറളം ഫാമില് ജോലി ചെയ്യുന്ന നെല്ലിശേരി ജയറാമിന്റെ മകനാണ് സിബി. വയനാട്ടില് നിന്ന് വരികയായിരുന്ന ബസ്സിലായിരുന്നു സിബി യാത്രചെയ്തിരുന്നത്. കൊട്ടിയൂര് പഞ്ചായത്ത് ഓഫീസിനു സമീപം ഉച്ചക്ക് ഒരു മണിയോടെയായിരുന്നു അപകടം.
മാനന്തവാടിയില് നിന്ന് ഇരിട്ടിയിലേക്ക് വരികയായിരുന്ന കെ.എസ്.ആര്.ടി.സി ബസില് ബന്ധു ജൂലിയക്കൊപ്പം ആറളത്തെ ബന്ധുവീട്ടിലേക്ക് വരികയായിരുന്നു സിബി. ബസിന്റെ പിന്സീറ്റിലായിരുന്ന സിബി ഛര്ദ്ദിക്കാനായി പുറത്തേക്ക് തലയിട്ടപ്പോഴായിരുന്നു അപകടം. പുത്തൂര് വയല് സ്കൂളില് എട്ടാം ക്ലാസ് വിദ്യാര്ത്ഥിയാണ്. മൃതദേഹം പരിയാരം മെഡിക്കല് കോളേജാശുപത്രി മോര്ച്ചറിയില്.
https://www.facebook.com/Malayalivartha