ജമ്മു കാശ്മീരിലെ കല്ലേറ് നിയന്ത്രിക്കാന് സൈന്യം നടത്തിയ വെടിവെപ്പില് ഒരു മരണം
ജമ്മുകാശ്മീരിലെ കുപ്പ്വാരയില് സുരക്ഷാസേനയ്ക്ക് നേരെ കല്ലേറ് നടത്തിയ ആള്ക്കൂട്ടത്തെ നിയന്ത്രണവിധേയമാക്കാന് സൈന്യം നടത്തിയ വെടിവയ്പ്പില് 70-കാരന് കൊല്ലപ്പെട്ടു. പ്രദേശത്തെ സൈനിക ക്യാമ്പില് നടന്ന ഭീകരാക്രമണത്തില് കൊല്ലപ്പെട്ട തീവ്രവാദികളുടെ മൃതശരീരം ആവശ്യപ്പെട്ടാണ് സൈന്യത്തിന് നേരെ ആള്ക്കൂട്ടം കല്ലേറ് നടത്തിയത്.
ഇന്ന് പുലര്ച്ചെ നടന്ന ഭീകരാക്രമണത്തില് മൂന്ന് സൈനികര് കൊല്ലപ്പെടുകയും അഞ്ച് പേര്ക്ക് പരിക്കേല്ക്കുകയും ചെയ്തിരുന്നു.
പാകിസ്ഥാന് തീവ്രവാദികളാണ് ആക്രമണത്തിന് പിന്നിലെന്നാണ് കരുതുന്നത്. നാലു മണിക്കൂര് നീണ്ടു നിന്ന വെടിവയ്പ്പിന് ശേഷമാണ് രണ്ട് തീവ്രവാദികളെ വധിച്ചത്. സംഭവസ്ഥലത്തു നിന്നും മൂന്ന് എ.കെ 47 റൈഫിളുകള് കണ്ടെത്തിയിട്ടുണ്ട്. അതിനാല് മറ്റൊരു ഭീകരന്റെ സാന്നിദ്ധ്യമുണ്ടെന്ന് സംശയിക്കുന്നു. ഇയാള്ക്കായുള്ള തിരച്ചില് പുരോഗമിക്കുകയാണ്.
https://www.facebook.com/Malayalivartha