Widgets Magazine
20
Aug / 2017
Sunday

സുപ്രീം കോടതി വിധി ലംഘിച്ച് ദേശീയ- സംസ്ഥാനപാതയോരങ്ങളില്‍ വീണ്ടും തുറന്ന മദ്യശാലകള്‍ പൂട്ടിക്കുന്നു

19 MAY 2017 07:51 AM IST
മലയാളി വാര്‍ത്ത

സുപ്രീം കോടതിവിധി ലംഘിച്ച് ദേശീയ-സംസ്ഥാനപാതയോരങ്ങളില്‍ വീണ്ടും തുറന്ന മദ്യശാലകള്‍ പൂട്ടിത്തുടങ്ങി. എറണാകുളം ജില്ലയില്‍ മാത്രം മൂന്നു ബിയര്‍/വൈന്‍ പാര്‍ലറുകള്‍ പൂട്ടിച്ചു. ആലുവയില്‍ ദേശീയപാതയോരത്തു തുറന്ന പാര്‍ലറുകള്‍ക്കാണു താഴുവീണത്. പരാതികളുയര്‍ന്ന സാഹചര്യത്തില്‍ പരിശോധന ശക്തമാക്കും.

തുറന്നു പ്രവര്‍ത്തിക്കുന്ന മറ്റു മദ്യശാലകള്‍ ദേശീയ-സംസ്ഥാനപാതയോരങ്ങളിലാണോയെന്നു പരിശോധിക്കാന്‍ വിവിധ വകുപ്പുകള്‍ക്കു നിര്‍ദേശം നല്‍കി. സംസ്ഥാനപാതകള്‍ സംബന്ധിച്ചു വ്യക്തമായ റിപ്പോര്‍ട്ട് പൊതുമരാമത്ത് വകുപ്പിനോട് എക്‌സൈസ് അധികൃതര്‍ ആവശ്യപ്പെട്ടു. പാതയോരദൂരപരിധി പാലിക്കാത്ത മദ്യശാലകളുടെ അപേക്ഷ പരിഗണിക്കേണ്ടെന്നു കര്‍ശനനിര്‍ദേശം നല്‍കി.

സുപ്രീം കോടതി വിധിയേത്തുടര്‍ന്നു പൂട്ടിയ മദ്യശാലകള്‍ക്കു പുതിയ ഗേറ്റുകള്‍ സ്ഥാപിച്ചോയെന്നും അന്വേഷിക്കും. സ്വകാര്യഭൂമിയിലൂടെയുള്ള വഴികളുടെ അടിസ്ഥാനത്തില്‍ ദൂരപരിധി അളക്കരുതെന്ന് എക്‌സൈസ് കമ്മിഷണര്‍ ഉത്തരവിറക്കിയിട്ടുണ്ട്. ഉദ്യോഗസ്ഥരെ തെറ്റിദ്ധരിപ്പിക്കാനായി പലരും സ്വകാര്യഭൂമിയിലൂടെ വഴിതുറന്ന് അപേക്ഷകള്‍ സമര്‍പ്പിച്ചിരുന്നു. ഇപ്രകാരം ചിലര്‍ അനുമതിയും തരപ്പെടുത്തി. ഇവ പൂട്ടിക്കും. മുമ്പ് സുപ്രീം കോടതിവിധി മറികടന്ന്, ദൂരപരിധിയില്ലാതെ ദേശീയ/സംസ്ഥാന പാതയോരങ്ങളില്‍ നാലു ബാറുകള്‍ക്കും 73 ബിയര്‍വൈന്‍ പാര്‍ലറുകള്‍ക്കും ഒന്‍പതു വിദേശമദ്യ ചില്ലറവില്‍പനശാലകള്‍ക്കും അനുമതി നല്‍കിയിരുന്നു.

കള്ള് ഷാപ്പ് ഉള്‍പ്പെടെ 1,066 മദ്യശാലകളാണു ദേശീയ-സംസ്ഥാനപാതയോരങ്ങളിലുണ്ടായിരുന്നത്. 31 പഞ്ചനക്ഷത്ര ഹോട്ടലുകളില്‍ 11 എണ്ണവും 815 ബിയര്‍വൈന്‍ പാര്‍ലറുകളില്‍ 619 എണ്ണവും 270 ബിവ്‌റേജസ് ഔട്ട്‌ലെറ്റുകളില്‍ 134 എണ്ണവും 36 കണ്‍സ്യൂമര്‍ഫെഡ് ഔട്ട്‌ലെറ്റുകളില്‍ 18 എണ്ണവും സുപ്രീം കോടതിവിധി വന്നതിനു പിറ്റേന്നു പൂട്ടി.
എന്നാല്‍, വിധിക്കുശേഷവും 23 ബാര്‍ ഹോട്ടലുകള്‍, 329 ബിയര്‍വൈന്‍ പാര്‍ലറുകള്‍, 170 വിദേശമദ്യ ചില്ലറവില്‍പനശാലകള്‍ എന്നിവ പ്രവര്‍ത്തിക്കുന്നുണ്ട്. ഇവയ്ക്ക് അനുമതി നല്‍കിയതിനു പിന്നില്‍ വന്‍ ഴിമതിയുണ്ടെന്നാണു സൂചന. മദ്യശാലകള്‍ക്ക് അനുമതി വാങ്ങിനല്‍കുന്ന ഇടനിലക്കാര്‍ സംസ്ഥാനത്തു സജീവമാണെന്ന് അബ്കാരികള്‍ പറയുന്നു. 10-15 ലക്ഷം രൂപയാണ് ഇവര്‍ ഈടാക്കുന്നത്.

മദ്യശാലകള്‍ ദേശീയ-സംസ്ഥാനപാതകളില്‍നിന്നു കാണാവുന്ന വിധത്തിലാകരുത്, ഈ പാതകളില്‍നിന്നു നേരിട്ടെത്താവുന്ന സ്ഥലത്താകരുത്, പാതകളുടെയോ അവയുടെ സര്‍വീസ് റോഡുകളുടെയോ 500 മീറ്റര്‍ പരിധിയിലാകരുത് എന്നിങ്ങനെയാണു സുപ്രീം കോടതി വിധി. എന്നാല്‍, പാതകളില്‍നിന്ന് അഞ്ചു മീറ്റര്‍ ദൂരപരിധിയിലുള്ള ഹോട്ടലുകള്‍ക്കുപോലും അനുമതി ലഭിച്ചു. മദ്യശാലകളുടെ ബോര്‍ഡുകളും പരസ്യങ്ങളും ദേശീയ-സംസ്ഥാനപാതകളില്‍ അനുവദിക്കരുതെന്ന നിര്‍ദേശവും പാലിക്കപ്പെടുന്നില്ല..

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
Most Read
latest News

തോമസ് ചാണ്ടിക്കും അൻവറിനും എതിരെ അന്വേഷണം വേണമെന്ന് വി എസ്  (28 minutes ago)

"കാർബൺ" ഫസ്റ്റ് ലുക്ക് പോസ്റ്ററെത്തി  (32 minutes ago)

മാപ്പ് ചോദിച്ച് തല അജിത്ത്  (53 minutes ago)

ജനപ്രിയ സീരിയല്‍ തട്ടിയെടുക്കാന്‍ സ്വകാര്യ ചാനലിന്റെ ശ്രമം; ഉപ്പും മുളകിനും വില്ലനായി മലയാള സിനിമയിലെ ഹാസ്യ നടന്‍?  (1 hour ago)

കെ.കെ.ശൈലജ ടീച്ചർക്ക് പറ്റിയ ഒരു പറ്റേ  (1 hour ago)

ഭർത്താവിനെയും കുഞ്ഞിനെയും ഉപേക്ഷിച്ചു മുങ്ങി, ഒടുവിൽ പൊങ്ങിയത് ഗുരുവായൂരിൽ കാമുകനുമായി; രഹസ്യ വിവാഹത്തിനെത്തിയ യുവതിയെ കണ്ട ബന്ധുക്കൾ ചെയ്തതോ ഇങ്ങനെ...  (1 hour ago)

അറ്റ്‌ലസ് രാമചന്ദ്രനെ അഴിക്കുള്ളില്‍ തളച്ചിടുന്നതിന് പിന്നില്‍ മലയാളി പ്രവാസിയുടെ ഇടപെടല്‍? ; അറ്റ്ലസ് രാമചന്ദ്രന്റെ മോചനം നീളുന്നത് എന്തുകൊണ്ട്?  (2 hours ago)

താന്‍ അന്ന് അരയില്‍ ടവ്വല്‍ വെച്ചതെന്തിനെന്ന്! പരസ്യമായി വിശദീകരണം നല്‍കി ശ്രീശാന്ത്  (3 hours ago)

നിവിന്‍ പോളിക്കെതിരായ ആരോപണത്തിൽ മറുപടിയുമായി ശ്യാമപ്രസാദ്  (3 hours ago)

കാമുകനുമായി ചേര്‍ന്ന് സ്വന്തം ഭര്‍ത്താവിനെയും നൊന്ത് പ്രസവിച്ച പെണ്‍കുഞ്ഞിനേയും കൊന്ന താടക  (3 hours ago)

പിണങ്ങിപ്പോയ ഭാര്യ കുഞ്ഞിന്റെ വസ്ത്രങ്ങളെടുക്കാന്‍ തിരികെ എത്തിയപ്പോള്‍ ഭർത്താവും ബന്ധുക്കളും ചേര്‍ന്ന് ചെയ്ത ആ ക്രൂരത അവളുടെ ജീവനെടുത്തു  (3 hours ago)

അങ്ങനെ സ്‌റ്റെവിന്‍ എസ്‌ഐ ആയി; നന്ദി, ചെന്നൈ പൊലീസ് നൂറു നന്ദി  (3 hours ago)

ജനകീയ വിചാരണയുമായി ബിജെപി നേതാവിന്റെ മാളിക  (3 hours ago)

സണ്ണി ലിയോണിനെ ഇനിയും കണ്‍കുളിര്‍ക്കെ കാണാം  (4 hours ago)

ഗൾഫിലെ ഫ്ലാറ്റുകളിലെ ഇടപാടുകളിൽ കോടികള്‍ കൊയ്ത് കോഴിക്കോട്ടുകാരി...  (4 hours ago)

Malayali Vartha Recommends