രാഷ്ട്രീയ പ്രവേശനം; രജനിയുടെ വസതിക്കു മുന്നില് പ്രതിഷേധം
തെന്നിന്ത്യന് സൂപ്പര് താരം രജനീകാന്തിന്റെ രാഷ്ട്രീയ പ്രവേശനവുമായി ബന്ധപ്പെട്ട് അദ്ദേഹത്തിന്റെ പോയസ് ഗാര്ഡനിലെ വസതിക്ക് മുന്നില് തമിഴ് അനുകൂല സംഘടനയായ തമിഴ് മുന്നേറ്റ പടയുടെ പ്രതിഷേധം. തമിഴനല്ലാത്ത രജനീകാന്ത് തമിഴ് രാഷ്ട്രീയത്തില് പ്രവേശിക്കുന്നതിനെയാണ് പ്രതിഷേധം. സംഘടനാ നേതാവ് വീരലക്ഷ്മിയും മുപ്പത്തിയഞ്ചോളം പ്രവര്ത്തകരുമാണു പ്രതിഷേധവുമായെത്തിയത്. പ്രതിഷേധക്കാര് താരത്തിന്റെ കോലം കത്തിച്ചു.
നേരത്തെ രജനീകാന്തിന് നേരെ ഭീഷണി സന്ദേശം വന്നതിനെ തുടര്ന്ന് വീടിന് പൊലീസ് സുരക്ഷ ഏര്പ്പെടുത്തിയിരുന്നു. ഇന്നലെ രാത്രിയോടെയാണ് രജനീകാന്തിന് ഭീഷണി സന്ദേശം വന്നത്.
രജനീകാന്ത് പ്രധാനമന്ത്രി നരേന്ദ്ര മോദിയുമായി ഉടന് കൂടിക്കാഴ്ച നടത്തിയേക്കുമെന്ന് റിപ്പോര്ട്ടുകള് വന്നതിന് പിന്നാലെയാണ് ഭീഷണി സന്ദേശം വന്നത്. തമിഴ് ജനത വര്ഷങ്ങളായി കാത്തിരിക്കുന്ന തന്റെ രാഷ്ട്രീയ പ്രവേശനം ഉടനുണ്ടാകുമെന്ന് ആരാധകരുമായി നടത്തിയ കൂടിക്കാഴ്ചയില് രജനീകാന്ത് സൂചിപ്പിച്ചിരുന്നു. എട്ടു വര്ഷത്തിനു ശേഷം ആരാധകരുമായി നടത്തിയ ആദ്യഘട്ട കൂടിക്കാഴ്ചയില്, ദൈവം തീരുമാനിച്ചാല് ഉടന് രാഷ്ട്രീയത്തിലിറങ്ങുമെന്ന പ്രഖ്യാപനവും താരം നടത്തിയിരുന്നു.
https://www.facebook.com/Malayalivartha