ജയലളിതയെ കൊന്നത് പനീര്‍ശെല്‍വമെന്ന് തമിഴ്‌നാട് നിയമമന്ത്രി
എല്ലാം ഒപിഎസിന്റെ കളികള്‍ തന്നെ. ജയലളിതയുടെ മരണത്തെച്ചൊല്ലിയുള്ള ആരോപണപ്രത്യാരോപണങ്ങള്‍ക്കു പുതിയ വഴിത്തിരിവ്. മുഖ്യമന്ത്രിസ്ഥാനം ലഭിക്കാന്‍ ഒ. പനീര്‍ശെല്‍വം ജയലളിതയെ കൊലപ്പെടുത്തുകയായിരുന്നെന്ന് തമിഴ്‌നാട് നിയമമന്ത്രി സി.വി. ഷണ്‍മുഖത്തിന്റെ ആരോപണമാണു വഴിത്തിരിവുണ്ടാക്കിയത്. എടപ്പള്ളി പളനി സ്വാമിയുടെ നേതൃത്വത്തിലുള്ള അണ്ണാ ഡി.എം.കെ. ശശികല പക്ഷം ജയലളിതയുടെ മരണം സി.ബി.ഐ. അന്വേഷിക്കണമെന്ന് മദ്രാസ് ഹൈക്കോടതിയില്‍ ഹര്‍ജി നല്‍കിയിരിക്കുകയാണ്. ജയലളിത മരിക്കുമ്പോള്‍ പനീര്‍ശെല്‍വമായിരുന്നു മുഖ്യമന്ത്രി. സി.ബി.ഐ. അന്വേഷണം വരികയാണെങ്കില്‍ ആദ്യം പനീര്‍ശെല്‍വത്തെയായിരിക്കും ചോദ്യം ചെയ്യുകയെന്നും സി.വി. ഷണ്‍മുഖം ആരോപിച്ചു. ജയലളിതയുടെ മരണത്തില്‍ ജുഡീഷ്യല്‍ അന്വേഷണം വേണമെന്നായിരുന്നു പനീര്‍ശെല്‍വം പക്ഷത്തിന്റെ ആവശ്യം. പനീര്‍ശെല്‍വം കഴിഞ്ഞ ദിവസം ന്യൂഡല്‍ഹിയില്‍ പ്രധാനമന്ത്രി നരേന്ദ്ര മോഡിയുമായി കൂടിക്കാഴ്ച നടത്തിയിരുന്നു. ശശികല പക്ഷവും അമ്മ പക്ഷവും ഒന്നിക്കുന്നതിനെ കുറിച്ച് മോഡിയുമായി സംസാരിച്ചതായി അദ്ദേഹം പറഞ്ഞു.
https://www.facebook.com/Malayalivartha
