അരവിന്ദ് കെജ്രിവാളിനെതിരെ വീണ്ടും മാനനഷ്ട കേസുമായി അരുണ് ജയ്റ്റ്ലി
ഡല്ഹി മുഖ്യമന്ത്രി അരവിന്ദ് കേജരിവാളിനെതിരെ വീണ്ടും 10 കോടി രൂപയുടെ മാനനഷ്ടക്കേസുമായി കേന്ദ്രമന്ത്രി അരുണ് ജയ്റ്റ്ലി. കെജ്രിവാളുള്പ്പെടെ എഎപി നേതാക്കള്ക്കെതിരെ ജെയ്റ്റ്ലി മുന്പു നല്കിയ മാനനഷ്ടക്കേസിലെ വാദം ഡല്ഹി ഹൈക്കോടതിയില് നടക്കുമ്പോള് മുഖ്യമന്ത്രിയ്ക്കു വേണ്ടി ഹാജരായ മുതിര്ന്ന അഭിഭാഷകന് റാം ജഠ്മലാനി മോശം പരാമര്ശം നടത്തിയെന്നാണ് പുതിയ കേസിനു ആധാരം. ക്രോസ് വിസ്താരത്തിനിടെ ജയ്റ്റ്ലിയെ ജഠ്മലാനി 'കുബുദ്ധി' എന്നു വിളിച്ചതാണ് ധനമന്ത്രിയെ ചൊടിപ്പിച്ചത്. മെയ് 15, 17 ദിവസങ്ങളില് ഡല്ഹി ഹൈക്കോടതിയില് ജയ്റ്റ്ലിയെ ജഠ്മലാനി വഞ്ചകന് എന്ന് വിശേഷിപ്പിച്ചിരുന്നു. ഇത് കോടതിയില് അപ്പോള് തന്നെ ജെയ്റ്റ്ലി ചോദ്യം ചെയ്യുകയും തുറന്നകോടതിയില് അഭിഭാഷകന് നടത്തിയ വാക്കുകള് അപകീര്ത്തിപരമാണെന്ന് കോടതി സമ്മതിക്കുകയും ചെയ്തിരുന്നു.വിസ്താരത്തിന് ഇടയിലുള്ള ഒരു ചോദ്യം അനാവശ്യമെന്നും നിലവിലെ കേസുമായി ഇതിനു ബന്ധമില്ലെന്നും ജയ്റ്റ്ലി പറഞ്ഞു.
കേജ്രിവാള് പറഞ്ഞിട്ടാണോ ഈ പ്രയോഗം നടത്തിയതെന്ന് ജയ്റ്റ്ലി ചോദിച്ചിരുന്നു. അങ്ങനെയെങ്കില് മറ്റൊരു കേസു നല്കാനുള്ള വകയുണ്ടെന്ന് അദ്ദേഹം പറഞ്ഞിരുന്നു. കേജ്രിവാള് പറഞ്ഞിട്ടാണ് ഇങ്ങനെ പറഞ്ഞതെന്നായിരുന്നു ജഠ്മലാനിയുടെ മറുപടി. എന്നാല്, കേജ്രിവാളിനു വേണ്ടി ഹാജരായ മറ്റൊരു അഭിഭാഷകന് തനിക്കിങ്ങനെ ഒരു നിര്ദേശം ലഭിച്ചിട്ടില്ലെന്നു കോടതിയില് അറിയിച്ചു. ഈ സംഭവങ്ങളാണ് പുതിയ കേസിലേക്ക് നയിച്ചത്.
തുറന്ന കോടതിയില് മോശം പദമുപയോഗിച്ചത് ശരിയല്ലെന്ന വാദമുന്നയിച്ചാണ് പുതിയ കേസ് ഫയല് ചെയ്തത്. ഈ പ്രയോഗം കോടതിയുടെ ഉത്തരവിലും വന്നിട്ടുണ്ട്. ഇക്കാരണങ്ങള് കൊണ്ടാണ് പുതിയ മാനനഷ്ടക്കേസ് ഫയല് ചെയ്തതെന്നും ജയ്റ്റ്ലിയുടെ അഭിഭാഷകന് അറിയിച്ചു.
ഡല്ഹി ക്രിക്കറ്റ് ഭരണസമിതി അഴിമതിക്കേസില് ഡല്ഹി മുഖ്യമന്ത്രി അരവിന്ദ് കേജ്!രിവാള് നടത്തിയ പരാമര്ശത്തെ തുടര്ന്നാണ് ജയ്റ്റ്ലി ആദ്യം കോടതിയെ സമീപിച്ചത്. തനിക്കുണ്ടായ മാനഹാനിക്ക് പത്തു കോടി രൂപ ആവശ്യപ്പെട്ടാണ് ഹൈക്കോടതിയില് നല്കിയിട്ടുള്ള ഹര്ജി. കേജ്!രിവാളിനു പുറമേ, എഎപി നേതാക്കളായ രാഘവ് ഛദ്ദ, കുമാര് വിശ്വാസ്, അശുതോഷ്, സഞ്ജയ് സിങ്, ദീപക് വാജ്പേയ് എന്നിവരും മാനനഷ്ടക്കേസില് പ്രതികളാണ്. ഡല്ഹി ക്രിക്കറ്റ് അസോസിയേഷന് അഴിമതിയുമായി ബന്ധപ്പെട്ട് നടത്തിയ പ്രസ്താവനകളുടെ അടിസ്ഥാനത്തില് കഴിഞ്ഞ ഡിസംബര് 25 ന് കെജ് രിവാളിനെതിരെ 10 കോടി നഷ്ടപരിഹാരം ആവശ്യപ്പെട്ട് ജെയ്റ്റ്ലി ഹര്ജി നല്കിയിരുന്നു.
https://www.facebook.com/Malayalivartha