രണ്ടാമതും പാകിസ്ഥാന് ശക്തമായ തിരിച്ചടി നല്കാന് ഇന്ത്യന് സൈന്യം ഉപയോഗിച്ച ആയുധങ്ങള് എന്തെല്ലാമെന്നറിയണ്ടേ ?
പാക്കിസ്ഥാനു ശക്തമായ മുന്നറിയിപ്പു നല്കിയ രണ്ടാം മിന്നലാക്രമണത്തിന് ഇന്ത്യ പ്രധാനമായും ഉപയോഗിച്ചത് ആറ് ആയുധങ്ങള്. ഈ മാസം ഒന്പതിനു നടത്തിയ മിന്നലാക്രമണത്തിന്റെ വിവരം ചൊവ്വാഴ്ചയാണു പരസ്യപ്പെടുത്തിയത്. റോക്കറ്റ് ലോഞ്ചറുകള്, ടാങ്ക്വേധ മിസൈലുകള്, ഓട്ടോമേറ്റഡ് ഗ്രനേഡ് ലോഞ്ചറുകള്, പീരങ്കികള് എന്നിവ ഉപയോഗിച്ചായിരുന്നു ആക്രമണം.
ടാങ്കുകളെ ആക്രമിക്കാനാണ് പ്രധാനമായും 106 എംഎം റികോയിലസ് ഗണ് എന്ന ഈ ലൈറ്റ് വെയ്റ്റ് റെഫിള് ഉപയോഗിച്ചത്. അമേരിക്കന് നിര്മ്മിതം. മൂന്നു കിലോമീറ്റര് ദൂരേയ്ക്കു കൃത്യമായി ഉന്നം. ആറു കിലോമീറ്റര് വരെ ആക്രമണപരിധി. നിലത്തുവച്ചോ ചെറിയ വാഹനത്തിനു മുകളില് സ്ഥാപിച്ചോ വെടിയുതിര്ക്കാം. ഒരു മിനിറ്റില് ഒരു റൗണ്ട് എന്ന കണക്കില് തുടര്ച്ചയായി വെടിവയ്ക്കാം. രണ്ടാം ലോകമഹായുദ്ധം മുതല് സജീവമാണ്. 3.4 മീറ്റര് നീളമുള്ള റൈഫിളിന് 209.5 കിലോഗ്രാമാണ് ഭാരം.
ഏറ്റവും ദൂരേയ്ക്ക് ലക്ഷ്യമിടാവുന്ന യുദ്ധോപകരണമാണ് 130 എംഎം ആര്ട്ടിലറി ഗണ്. 27 കിലോമീറ്ററില് കൂടുതല് ആക്രമണ പരിധി. റഷ്യന് നിര്മ്മിതമായ ഈ പീരങ്കികള് നേരിട്ടുള്ള ആക്രമണത്തിലാണ് പൊതുവെ ഉപയോഗിക്കാറുള്ളത്. 7700 കിലോഗ്രാമാണ് ഭാരം. തോക്കിന്കുഴലിന് 6.76 മീറ്റര് നീളം. സൈനികന്റെ മൃതദേഹം വികൃതമാക്കിയതിന് കഴിഞ്ഞ ഒക്ടോബറില് കുപ്!വാര ജില്ലയില് പാക്കിസ്ഥാനു നല്കിയ തിരിച്ചടിയിലും ഉപയോഗിച്ചു.
കരയാക്രമണത്തിനും വ്യോമാക്രമണത്തിനും സാധിക്കുന്ന സോവിയറ്റ് കാലത്തെ തോക്കുകളാണിത്. കൈകൊണ്ട് പ്രവര്ത്തിപ്പിച്ചിരുന്ന ഇവ ഇപ്പോള് ഓട്ടോമാറ്റിക്കാണ്. 2.5 കിലോമീറ്ററാണ് ആക്രമണപരിധി. രാത്രിയുടെ പകലും പ്രവര്ത്തിക്കുന്ന ക്യാമറകള്, ലേസറുകള്, ഡിജിറ്റല് ഫയര് നിയന്ത്രണം എന്നീ സംവിധാനങ്ങളുണ്ട്. 670 കോടി രൂപ ചെലവിട്ട് ഇത്തരം 468 തോക്കുകള് വാങ്ങാന് സേനയ്ക്കു പദ്ധതിയുണ്ട്.
നിയന്ത്രണരേഖയിലെ കാലാള്പ്പടയുടെ പ്രിയപ്പെട്ട ആയുധമാണ് ആന്റി ടാങ്ക് ഗൈഡഡ് മിസൈല്സ് അഥവാ എടിജിഎം. വന് ആയുധശേഖരവുമായാണ് എടിജിഎമ്മിന്റെ സഞ്ചാരം. മിലന്, കൊങ്കൂര് എടിജിഎമ്മുകളാണ് ഇവിടെയുള്ളത്. ഭാരത് ഡൈനാമിക്സ് ലിമിറ്റഡാണ് (ബിഡിഎല്) നിര്മാണം. 3200 കോടി ചെലവിട്ട് ഇസ്രയേലില് നിന്ന് പുതിയ എടിജിഎം വാങ്ങാനും പദ്ധതിയുണ്ട്. ഇസ്രയേലിന്റെ സ്പൈക് എടിജിഎമ്മിന് 2.5 കിലോമീറ്റര് അപ്പുറത്തു?ള്ള ശത്രുവിന്റെ യുദ്ധവാഹനങ്ങളും ബങ്കറുകളും തകര്ക്കാനാകും.
84 എംഎം കാള്–ഗുസ്താവ് റോക്കറ്റ് ലോഞ്ചറുകളാണ് പാക്ക് സൈനിക പോസ്റ്റുകള്ക്കു നേരെ ഇന്ത്യ പ്രയോഗിച്ചത്. ഒരു കിലോമീറ്റര് അപ്പുറമുള്ള ലക്ഷ്യകേന്ദ്രങ്ങള് സൂക്ഷ്മമായി തകര്ക്കാം. സ്വീഡിഷ് നിര്മിതം.
റഷ്യന് നിര്മിത എജിഎസ്–30 ഗ്രനേഡ് ലോഞ്ചറുകളാണ് കരസേന ഉപയോഗിച്ചത്. 30 ഗ്രനേഡുകളുടെ ബെല്റ്റാണ് ലോഞ്ചറില് ഒറ്റത്തവണ ഉപയോഗിക്കുക. െടലസ്കോപ്, രാത്രിക്കാഴ്ച തുടങ്ങിയ സൗകര്യങ്ങളുമുണ്ട്. രണ്ടുകിലോമീറ്ററിലധികമാണ് ആക്രമണപരിധി.
ഈ മാസം ഒന്പതിനു നടത്തിയ മിന്നലാക്രമണത്തിന്റെ വിവരം ചൊവ്വാഴ്ചയാണു പരസ്യപ്പെടുത്തിയത്.
https://www.facebook.com/Malayalivartha