കുടുംബവഴക്കിനെ തുടര്‍ന്ന് ഭാര്യയെ കൊലപ്പെടുത്തി ഭര്‍ത്താവ് , എന്നിട്ടും അയാള്‍ ചെയ്തത്...
കുടുംബ വഴക്കിനെത്തുടര്‍ന്നു ഭാര്യയെ കൊലപ്പെടുത്താന്‍ ഭര്‍ത്താവ് കാണിച്ച ക്രൂരത അതികഠിനം. അയാള്‍ കത്തികൊണ്ട് ഭാര്യയെ കുത്തിയത് 25 തവണ.
വടക്കന്‍ ഡല്‍ഹിയിലെ ദില്‍ഷാദ് ഗാര്‍ഡനില്‍ കഴിഞ്ഞ ദിവസം പുലര്‍ച്ചെയായിരുന്നു സംഭവം നടന്നത്. . വിനോദ് (43) എന്നയാളാണ് ഭാര്യ രേഖ (36) യെ കൊലപ്പെടുത്തിയത്. അമ്മയെ രക്ഷിക്കാന്‍ശ്രമിച്ച മകന്‍ വിനീതിന് (15) പരിക്കേറ്റു. കൈയ്ക്കു പരുക്കേറ്റ കുട്ടിയെ ആശുപത്രിയില്‍ പ്രവേശിപ്പിച്ചു. ദമ്പതികള്‍ തമ്മില്‍ കലഹം പതിവായിരുന്നുവെന്നു പോലീസ് പറഞ്ഞു. ബുധനാഴ്ച രാവിലെ അഞ്ചുമണിയോടെ വിനോദും രേഖയും തമ്മില്‍ കലഹമുണ്ടായി.
ഇതേ തുടര്‍ന്ന് വിനോദ് രേഖയെ കൈയ്യില്‍ കരുതിയിരുന്ന കത്തി ഉപയോഗിച്ച് തുടര്‍ച്ചയായി കുത്തുകയായിരുന്നു. രക്തം വാര്‍ന്ന് രേഖ സംഭവ സ്ഥലത്തു തന്നെ മരിച്ചു.
വിനോദിനെതിരേ കൊലപാതകത്തിനും കൊലപാതകശ്രമത്തിനും കേസെടുത്തിട്ടുണ്ട്. ഇയാളെ അറസ്റ്റ് ചെയ്യാന് പോലീസ് പ്രത്യേക സംഘത്തെ രൂപീകരിച്ചിട്ടുണ്ട്.
https://www.facebook.com/Malayalivartha
