പൂര്ണ ഗര്ഭിണിയെ 16 കിലോമീറ്റര് തൊട്ടിലില് ചുമന്ന് ഗ്രാമവാസികൾ ; ദുരിത യാത്രയ്ക്കൊടുവില് സുഖപ്രസവം
ഗ്രാമവാസികളുടെ യാത്രാദുരിതത്തിന്റെ പുതിയ ചിത്രം ഒഡിഷ ത്രിലോചന്പൂരിലെ കന്സബുന്ദേലില് നിന്നാണ്. മുളംതണ്ടിലൊരുക്കിയ താല്ക്കാലിക തൊട്ടിലില് ഗര്ഭിണിയെ ബന്ധുക്കളും ഗ്രാമവാസികളും ചേര്ന്ന് ചുമന്നത് 16 കിലോമീറ്റര്.
പ്രസവ വേദന തുടങ്ങിയ യുവതിയെ ആശുപത്രിയില് കൊണ്ടുപോകാനായി ആംബുലന്സ് എത്തിയെങ്കിലും രാത്രിയിലെ കനത്തമഴയെ തുടര്ന്ന് റോഡില് മരം വീണ് ഗതാഗതം തടസ്സപ്പെട്ടതിനാല് ഗ്രാമത്തിലേക്ക് എത്താനായില്ല. ഇതേ തുടര്ന്നാണ് മുളയില് തുണികെട്ടി താല്ക്കാലികമായുണ്ടാക്കിയ ഭാരംതാങ്ങിയില് യുവതിയെ ചുമന്ന് ആംബുലന്സിന് സമീപമെത്തിച്ചത്.കിലോമീറ്ററുകള് അകലെയുള്ള ലാഞ്ചിഗഡ് ആസ്പത്രിയിലെത്തിയ യുവതി രണ്ടര കിലോഗ്രാം ഭാരമുള്ള ആണ്കുഞ്ഞിന് ജന്മം നല്കി. അമ്മയും കുഞ്ഞും പൂര്ണ ആരോഗ്യത്തോടെ ഇരിക്കുന്നുവെന്ന് ആശുപത്രി അധികൃതര് അറിയിച്ചു.
https://www.facebook.com/Malayalivartha