കളിച്ചു കൊണ്ടിരുന്ന രണ്ടു വയസ്സുകാരന്‍ കുഴല്‍ കിണറില്‍ വീണു, തീവ്ര പരിശ്രമത്തിനൊടുവില്‍...
ആന്ധ്രാപ്രദേശിലെ ഗുണ്ടൂരില്‍ കുഴല്‍ക്കിണറില്‍ വീണ കുട്ടിയെ 11 മണിക്കൂര്‍ നീണ്ട പരിശ്രമത്തിനൊടുവില്‍ രക്ഷപെടുത്തി. ഗുണ്ടൂരിലെ വിനുകോണ്ടമണ്ടല്‍ ഉമാദിവരത്താണ് സംഭവം. ദേശീയ ദുരന്തനിവാരണ സേനയും പോലീസും അഗ്‌നിശമന സേനയും ചേര്‍ന്ന് നടത്തിയ തീവ്രപരിശ്രമത്തിനൊടുവിലാണ് കുട്ടിയെ ജീവിതത്തിലേക്ക് മടക്കികൊണ്ടുവന്നത്. രണ്ടു വയസുകാരന്‍ ചന്ദ്രശേഖരനാണ് കുഴല്‍ക്കിണറില്‍ പതിച്ചത്. വീടിനു സമീപത്തെ കാലിത്തൊഴുത്തിനടുത്ത് കളിക്കുകയായിരുന്ന കുട്ടി മൂടിയില്ലാത്ത കുഴല്‍ക്കിണറില്‍ അബദ്ധത്തില്‍ വീണുപോകുകയായിരുന്നു. 15 അടി താഴ്ചയിലേക്കാണ് കുട്ടി വീണത്.
കുട്ടിയുടെ കരച്ചില്‍കേട്ട അയല്‍വാസികള്‍ പോലീസില്‍ വിവരം അറിയിച്ചു. ഇതിനെതുടര്‍ന്ന് പോലീസും അഗ്‌നിശമന സേനയും രംഗത്തെത്തി. ദേശീയ ദുരന്തനിവാരണ സേന സ്ഥലത്ത് എത്തിയതോടെയാണ് രക്ഷാപ്രവര്‍ത്തനത്തിന് വേഗം ഉണ്ടായത്. ശ്വാസം നിലയ്ക്കാതിരിക്കാന്‍ ആദ്യം കിണറിലൂടെ കുഴല്‍ ഉപയോഗിച്ച് കുട്ടിക്ക് ജീവശ്വാസം നല്‍കി. പിന്നീട് കുഴല്‍ക്കിണറിന് സമീപത്തായി മണ്ണുമാന്തി ഉപ!യോഗിച്ച് സമാന്തരമായി കുഴിയെടുത്തായി രക്ഷാപ്രവര്‍ത്തനം. ഒടുവില്‍ കുഴല്‍ക്കിണറിന് സമാന്തരമായി നിര്‍മിച്ച ഗര്‍ത്തത്തിലുടെ കുട്ടിയെ പുറത്തെടുത്തു.
https://www.facebook.com/Malayalivartha
