'വൈ ദിസ്, വൈ ദിസ് കൊലവെറി ഡാ ?'; രാഹുല് ഗാന്ധിയുടെ ട്വീറ്റ് വൈറൽ
'വൈ ദിസ്, വൈ ദിസ് കൊലവെറി ഡാ.' ഗുജറാത്തിലെ ബിജെപി സര്ക്കാരിനെ വിമര്ശിച്ച് കോണ്ഗ്രസ് ഉപാദ്ധ്യക്ഷന് രാഹുല് ഗാന്ധിയുടെ വ്യത്യസ്തമായ ട്വീറ്റ് ശ്രദ്ധേയമായി. അനധികൃത വരുമാനമുണ്ടാക്കിയെന്ന് ആരോപണമുയര്ന്ന, ബിജെപി അധ്യക്ഷന് അമിത് ഷായുടെ മകന് ജെയ് ഷായുടെ മകന് നിയമനടപടി സ്വീകരിക്കുന്നതിന് ഗുജറാത്ത് സര്ക്കാര് സാമ്ബത്തിക സഹായം നല്കിയതിനോട് പ്രതികരിച്ചാണ് കോണ്ഗ്രസ് ഉപാദ്ധ്യക്ഷന്റെ വ്യത്യസ്തമായ ട്വീറ്റ്.
തനിക്കെതിരേ വാര്ത്ത പ്രസിദ്ധീകരിച്ച 'ദ് വയര്' എന്ന ഓണ്ലൈന് മാധ്യമത്തിനെതിരേയാണ് ജയ് ഷാ നിയമനടപടി ആരംഭിച്ചിരിക്കുന്നത്. ഇതിന് വേണ്ടി ഗുജറാത്ത് സര്ക്കാര് സഹായം നല്കിയതിനെയാണ് രാഹുല് ഗാന്ധി വിമര്ശിച്ചത്.വായ് മൂടിക്കെട്ടാനുള്ള ശ്രമമാണ് ജയ് അമിത് ഷാ നടത്തുന്നതെന്ന വയറിന്റെ റിപ്പോര്ട്ടും രാഹുല്ഗാന്ധി ടാഗ് ചെയ്തിട്ടുണ്ട്.
2012-ല് പുറത്തിറങ്ങിയ 3 എന്ന തമിഴ് ചലച്ചിത്രത്തിലെ ഒരു ഗാനമാണ് വൈ ദിസ് കൊലവെറി . എന്ന സൂപ്പര്ഹിറ്റ് ഗാനം. നടന് ധനുഷ് ആണ് ഈ ഗാനം പാടിയത്. ഗാനരചനയും ധനുഷ് ആയിരുന്നു. അനിരുദ്ധ് രവി ചന്ദര് ആയിരുന്നു സംഗീതം നിര്വഹിച്ചത്. തമിഴ്, ഇംഗ്ലീഷ് പദങ്ങള് കൂട്ടിചേര്ത്തുള്ള വരികളുള്ള ഗാനം ഇന്ത്യയില് ഏറ്റവും അധികം ആളുകള് തിരഞ്ഞ യു ട്യൂബ് വീഡിയോ ആയി മാറിയിരുന്നു.
https://www.facebook.com/Malayalivartha