മനുഷ്യന്റെ സ്വാർത്ഥത അതിരുകടന്നപ്പോൾ..
സ്വന്തം കാര്യം മാത്രം നോക്കി ജീവിക്കുന്ന മനുഷ്യരെയാണ് ഇന്ന് നാം കൂടുതലും കാണുന്നത്. തികച്ചും സ്വാർഥരായവർ. ആർക്കെന്ത് സംഭവിച്ചാലും തനിക്കൊന്നുമില്ല എന്ന ഭാവം. മനുഷ്യന്റെ അതിരുകടന്ന സ്വാർഥതയ്ക്ക് ഉദാഹരണമാണ് കഴിഞ്ഞദിവസം മുംബൈയിൽ നടന്ന സംഭവം. മുംബൈയിലെ ഖര്ഗര് നഗര് സ്വദേശി ശില്പ പുരി എന്ന 34കാരി റോഡില് തെന്നിവീണു.
ആക്ടീവ സകൂട്ടറില് പോവുകയായിരുന്ന യുവതി റോഡില് തെന്നിവീണപ്പോൾ തൊട്ടുപിന്നാലെ വന്ന ക്രെയിന് യുവതിയുടെ തലയിലൂടെ കയറിയിറങ്ങി. ഒന്നും സംഭവിച്ചില്ലെന്ന മട്ടിൽ ക്രെയിന് നിര്ത്താതെ പോയി. അതിനുശേഷം കുറെ വാഹനങ്ങൾ അതുവഴി കടന്നു പോയെങ്കിലും ആരും വാഹനം നിർത്തിനോക്കുകയോ പോലീസിനെ അറിയിക്കുകയോ ചെയ്തില്ല. അപകടം നടന്ന് പത്ത് മിനിറ്റോളം ശിൽപയുടെ മൃതദേഹം വഴിപോക്കർ കണ്ടില്ലെന്ന് നടിച്ചു.
റോഡില് ജോലികള് പുരോഗമിക്കുന്നതിനാല് റോഡിന്റെ ഇടതു ഭാഗത്തായി നിലനിര്ത്തിയ ആഴത്തിലുള്ള കുഴിയാണ് അപകടത്തിലേക്ക് നയിച്ചത്. റോഡില് നിന്ന് കുഴിയിലേക്ക് പത്ത് ഇഞ്ച് വരെ ആഴമുണ്ടെന്നും ടയര് അതിലേക്ക് പതിച്ചാണ് അപകടമുണ്ടായതെന്നും പൊലീസ് വ്യക്തമാക്കി. എന്നാല് കുഴിയുള്ള ഭാഗത്ത് യാതൊരു തരത്തിലുള്ള മുന്നറിയിപ്പ് ബോര്ഡുകളും സ്ഥാപിച്ചിരുന്നില്ല. സംഭവത്തില് ക്രെയിന് ഡ്രൈവറെ അറസ്റ്റ് ചെയ്തിട്ടുണ്ട്. റോഡുപണി കരാറുകാരനെതിരെ കേസെടുത്തതായും പൊലീസ് അറിയിച്ചു.
അപകടം നടക്കുന്നതും മരിച്ചു കിടന്ന ശില്പയുടെ മൃതദേഹം കണ്ടിട്ടും പലരും തിരിഞ്ഞു നോക്കാതെ പോകുന്നതും ദൃശ്യങ്ങളില് കാണാം.
https://www.facebook.com/Malayalivartha