രാഹുൽ ഗാന്ധിക്ക് പട്ടാഭിഷേകം ;രാഹുൽ ഗാന്ധിയെ കോൺഗ്രസ് അധ്യക്ഷനായി പ്രഖ്യാപിച്ചു ; ശനിയാഴ്ച രാവിലെ 11 മണിക്ക് രാഹുല് ഗാന്ധി ചുമതലയേല്ക്കും ;രാഹുൽഗാന്ധിയെ കാത്തിരിക്കുന്നത് ദേശീയ രാഷ്ട്രീയത്തിലെ നിർണ്ണായക ദിനങ്ങൾ
രാഹുല് ഗാന്ധിയെ കോണ്ഗ്രസ് അധ്യക്ഷനായി തെരഞ്ഞെടുത്തു. മറ്റ് സ്ഥാനാര്ത്ഥികള് ഇല്ലാതിരുന്നതിനാല് എതിരില്ലാതെയാണ് രാഹുലിന്റെ തെരഞ്ഞെടുപ്പ്. പാര്ട്ടിയുടെ കേന്ദ്ര തെരഞ്ഞെടുപ്പ് കമ്മറ്റി അധ്യക്ഷന് മുല്ലപ്പള്ളി രാമചന്ദ്രന് ഇത് സംബന്ധിച്ച പ്രഖ്യാപനം നടത്തി. 19 വര്ഷത്തിന് ശേഷമാണ് കോണ്ഗ്രസില് അധികാര കൈമാറ്റം നടക്കുന്നത്. ശനിയാഴ്ച രാവിലെ 11 മണിക്ക് രാഹുല് ഗാന്ധി ചുമതലയേല്ക്കും. നിലവില് കോണ്ഗ്രസ് ഉപാധ്യക്ഷനാണ് രാഹുല് ഗാന്ധി.
പാര്ട്ടി അധ്യക്ഷ സ്ഥാനത്തേക്കുള്ള തെരഞ്ഞെടുപ്പില് നാമനിര്ദ്ദേശ പത്രിക സമര്പ്പിക്കുന്നതിനുള്ള സമയപരിധി തിങ്കളാഴ്ച അവസാനിച്ചു. മറ്റ് സ്ഥാനാര്ത്ഥികള് ഇല്ലാത്തതിനാലാണ് രാഹുല് ഗാന്ധിയെ പാര്ട്ടി അധ്യക്ഷ സ്ഥാനത്തേക്ക് തെരഞ്ഞെടുത്ത് കൊണ്ടുള്ള പ്രഖ്യാപനം നടത്തിയത്. രാഹുല് ഗാന്ധി അധ്യക്ഷനാകുന്നതോടെ വലിയ തലമുറ മാറ്റമാണ് കോണ്ഗ്രസില് സംഭവിക്കുന്നത്.
കഴിഞ്ഞ ലോക്സഭാ തെരഞ്ഞെടുപ്പ് കാലത്ത് തന്നെ പാര്ട്ടി അധ്യക്ഷ പദവി ഏറ്റെടുക്കാന് രാഹുലിന് മേല് സമ്മര്ദ്ദമുണ്ടായിരുന്നു. എന്നാല് രാഹുല് ഗാന്ധി വിസമ്മതിച്ചത് കാരണമാണ് സ്ഥാനാരോഹണം നീണ്ടു പോയത്. 1929ലെ ലാഹോര് സമ്മേളനത്തില് വച്ചാണ് മോട്ടിലാല് നെഹ്റുവില് നിന്ന് ജവഹര്ലാല് നെഹ്റുവിലേക്ക് കോണ്ഗ്രസ് അധ്യക്ഷ സ്ഥാനം എത്തിയത്. 88 വര്ഷങ്ങള്ക്കിപ്പുറം സോണിയയില് നിന്ന് രാഹുലിലേക്ക് മറ്റൊരു തലമുറ മാറ്റത്തിന് കൂടി കോണ്ഗ്രസ് സാക്ഷ്യം വഹിക്കുകയാണ്.
https://www.facebook.com/Malayalivartha