ഭിക്ഷാടകരെ പുച്ഛിക്കരുത്... 70 ലക്ഷം രൂപ വിലയുള്ള രണ്ട് അപ്പാര്ട്ട്മെന്റുകള്, കൃഷിഭൂമി, ജ്യൂസ് കട, ചായ കട, പാവപ്പെട്ട ഭിക്ഷാടകരുടെ സമ്പാദ്യം ഇങ്ങനെ
വഴിയരികില് ഭിക്ഷയാചിക്കാനിരിക്കുന്ന ഭിക്ഷാടകരെ ശ്രദ്ധിച്ചിട്ടുണ്ടോ? അവരില് മിക്കവരും ഒരുനേരത്തെ അന്നത്തിനു വേണ്ടിയാണ് ഭിക്ഷ യാചിക്കുന്നത്. ചിലര് ഭിക്ഷാടനമാഫിയക്കാരുടെ പിടിയിലാകും.
എങ്കിലും ഇവര് എല്ലാം ഒരുനേരത്തെ അന്നത്തിനു വേണ്ടിയാകും അവര് ഇങ്ങനെ ചെയ്യുന്നത്. വഴിയാത്രക്കാരില് നിന്നും കിട്ടുന്ന അഞ്ചോ പത്തോ രൂപ കൊണ്ടാകും ചിലപ്പോള് അവര് അന്നത്തെ ദിവസം കഴിക്കുന്നത്. എന്നാല്ഭിക്ഷാടനം പ്രൊഫഷണല് ജോലിയായി തിരഞ്ഞെടുത്ത് ലക്ഷങ്ങള് സമ്പാദിക്കുന്ന ചില ഭിക്ഷാടകരെ പരിചയപ്പെടാം. ഇവരാണ് ഇന്ത്യയിലെ ഏറ്റവും ധനികരായ പിച്ചക്കാര്.
ഭാരത് ജയ്ന്
49കാരനായ ഭാരത് ജയ്നാണ് ഇന്ത്യയിലെ ഏറ്റവും ധനികനായ ഭിക്ഷക്കാരന്. മുംബൈയിലെ പരേല് മേഖലയിലാണ് ഇയാള് ഭിക്ഷാടനം നടത്തുന്നത്. 70 ലക്ഷം രൂപ വിലയുള്ള രണ്ട് അപ്പാര്ട്ട്മെന്റുകള് ഇയാള്ക്ക് സ്വന്തമായുണ്ട്. കൂടാതെ ഒരു ജ്യൂസ് ഷോപ്പും വാടകയ്ക്ക് നല്കിയിട്ടുണ്ട്. ഇതില് നിന്ന് പതിനായിരം രൂപ മാസം വാടകയിനത്തില് ലഭിക്കും. ഒരു പ്രൊഫഷണല് ഭിക്ഷാടകനായ ഇയാള് മാസം ഏകദേശം 90,000 രൂപ മുതല് 1.3 ലക്ഷം വരെയാണ് സമ്പാദിക്കുന്നത്. പത്താം ക്ലാസ്സിലും പന്ത്രണ്ടിലും പഠിക്കുന്ന രണ്ട് മക്കളും ഭാര്യയും പിതാവും സഹോദരനുമടങ്ങുന്നതാണ് ഇയാളുടെ കുടുംബം.
കൃഷ്ണ കുമാര് ഗീതെ
മുംബൈയിലെ ചാര്നി റോഡരികുകളിലാണ് ഇയാള് ഭിക്ഷാടനം നടത്തുന്നത്. ലക്ഷം രൂപ വിലമതിക്കുന്ന ഒരു ഫ്ലാറ്റാണ് ഇയാള്ക്ക് സ്വന്തമായുള്ളത്. സഹോദരനോടൊപ്പമാണ് താമസം.
സര്വാതിയ ദേവി
പാട്നയിലെ പ്രശസ്തയായ ഭിക്ഷാടകയാണ് സര്വാതിയ ദേവി. അശോക് സിനിമാസിന്റെ പിന്നിലാണ് ഇവരുടെ താമസം. രാജ്യത്തെ തന്നെ ഏറ്റവും പ്രശസ്തയായ ഭിക്ഷാടകയാണിവര്. വര്ഷം 36,000 രൂപ ഇന്ഷ്വറന്സ് പ്രീമിയമായി ഇവര് അടയ്ക്കുന്നുണ്ട്. കൂടാതെ ഭിക്ഷാടനം നടത്തി ഒരു മകളെ വിവാഹം കഴിച്ചയയ്ക്കുകയും ചെയ്തു. രാജ്യത്തുടനീളം യാത്ര ചെയ്യുന്ന ഇവര് നിരവധി പുണ്യസ്ഥലങ്ങള് സന്ദര്ശിച്ചിട്ടുണ്ട്.
സാംബാജി കലേ
സോലാപൂരില് ഒരു ഫ്ലാറ്റ്, രണ്ട് വീടുകള്, കൃഷിഭൂമി എന്നിവ സ്വന്തമായുള്ള ഭിക്ഷാടകനാണ് സാംബാജി കലേ. കൂടാതെ ലക്ഷങ്ങളുടെ ബാങ്ക് നിക്ഷേപവും ഇയാള്ക്കുണ്ട്
https://www.facebook.com/Malayalivartha