ആം ആദ്മി പാര്ട്ടിയ്ക്ക് തിരിച്ചടി ;ഇരട്ടപ്പദവി വിഷയത്തില് ഡല്ഹി നിയമസഭയിലെ ആം ആദ്മി പാര്ട്ടിയുടെ 20 എം.എല്.എമാരെ അയോഗ്യരാക്കാനുള്ള ശുപാര്ശയ്ക്ക് രാഷ്ട്രപതിയുടെ അംഗീകാരം
ഇരട്ടപ്പദവി വിഷയത്തില് ഡല്ഹി നിയമസഭയിലെ ആം ആദ്മി പാര്ട്ടിയുടെ 20 എം.എല്.എമാരെ അയോഗ്യരാക്കാനുള്ള ശുപാര്ശ രാഷ്ട്രപതി അംഗീകരിച്ചു. തിരഞ്ഞെടുപ്പ് കമ്മീഷനാണ് 20 പേരയും അയോഗ്യരാക്കുന്നതിനുള്ള ശുപാര്ശ രാഷ്ട്രപതിക്ക് അയച്ചത്. ഇതില് രാഷ്ട്രപതി ഒപ്പിട്ടതോടെ 20 പേരും അയോഗ്യരായി.
2015 മാര്ച്ചിലാണ് 21 പേരെ പ്രതിഫലം പറ്റുന്ന പാര്ലമെന്ററി പാര്ട്ടി സെക്രട്ടറിമാരായി നിയോഗിച്ചത്. ഇതിനെതിരെ പ്രതിപക്ഷവും ഒരു അഭിഭാഷകനുമാണ് തിരഞ്ഞെടുപ്പ് കമ്മീഷനെ സമീപിച്ചത്. ഇതില് ഒരു ആം ആദ്മി പാര്ട്ടി പ്രതിനിധി രാജിവെച്ച് രജൗറി ഗാര്ഡന് മണ്ഡലത്തില് മത്സരിച്ച് തോറ്റിരുന്നു. ശേഷിക്കുന്ന 20 പെരെയാണ് ഇപ്പോള് അയോഗ്യരാക്കിയിരിക്കുന്നത്.
വെള്ളിയാഴ്ച രാവിലെ ചേര്ന്ന തിരഞ്ഞെടുപ്പ് കമ്മീഷന്റെ സമ്ബൂര്ണ യോഗത്തിലായിരുന്നു എംഎല്എമാരെ അയോഗ്യരാക്കാനുള്ള തീരുമാനം. ഡല്ഹിയിലെ രാജ്യസഭാ തിരഞ്ഞെടുപ്പ് കൂടി പൂര്ത്തിയായ ശേഷമാണ് ഈ നടപടിയിലേക്ക് തിരഞ്ഞെടുപ്പ് കമ്മീഷന് കടന്നത്.
70 അംഗ സഭയില് 66 പേരുടെ മൃഗീയ ഭൂരിപക്ഷമുള്ളതിനാല് 20 പേര് അയോഗ്യരായാലും 46 പേരുടെ പിന്തുണ സര്ക്കാരിനുണ്ടാകും.
എന്നാല് ഈ 20 സീറ്റിലെ ഉപതിരഞ്ഞെടുപ്പ് ഫലം ആം ആദ്മി പാര്ട്ടിക്കും മുഖ്യമന്ത്രി കെജ് രിവാളിനും നിര്ണായകമാണ്. ഉപതിരഞ്ഞെടുപ്പില് ഒരു തിരിച്ചടിയുണ്ടായാല് ഒരു പക്ഷേ പാര്ട്ടിയില് ആഭ്യന്തര പ്രശ്നങ്ങള്ക്ക് അത് ഇടയാക്കിയേക്കാം.
https://www.facebook.com/Malayalivartha