'നീരവ് മോഡിയെ റിസര്വ് ബാങ്ക് ഗവര്ണ്ണറാക്കണം';പിഎന്ബി തട്ടിപ്പിൽ മോഡിയെ ട്രോളി ശിവസേന
പിഎന്ബി തട്ടിപ്പിലെ പ്രധാന പ്രതി നീരവ് മോഡിയെ റിസര്വ് ബാങ്ക് ഗവര്ണ്ണറാക്കണമെന്നു ബിജെപിയുടെ സഖ്യകക്ഷിയായ ശിവസേനയുടെ പരിഹാസം. സാധാരണക്കാരന് ആശുപത്രിയില് പോയാല് ചികിത്സ ലഭിക്കണമെങ്കില് ആധാര് കാര്ഡ് വേണ്ട രാജ്യത്ത് നീരവ് മോഡിയെപ്പോലുള്ളവര് കോടിക്കണക്കിനു പണം തട്ടിച്ചു രാജ്യം വിടുന്നുന്നത് വിരോധാഭാസനമെന്നും മുഖപത്രമായ സാമ്നയില് ശിവസേന കുറ്റപ്പെടുത്തി .
നീരവ് പ്രധാനമന്ത്രി നരേന്ദ്ര മോഡിയുടെ അടുത്ത അനുയായിയാണ് .കഴിഞ്ഞ തിരെഞ്ഞെടുപ്പില് ബിജെപിക്കുവേണ്ടി പണം പിരിക്കാനിറങ്ങിയ നീരവ് അവര്ക്കു വേണ്ടി ഏറ്റവും കൂടുതല് അധ്വാനിക്കുന്ന ഒരാളാണ്. ദാവോസില് നടന്ന സാമ്ബത്തിക ഉച്ചകോടിക്കിടെ പ്രധാനമന്ത്രിയുടെ സംഘത്തില് നീരവ് എങ്ങനെ നുഴഞ്ഞു കയറിയെന്നു ബിജെപി വ്യക്തമാക്കണമെന്നും ശിവസേന ആവശ്യപ്പെട്ടു .
അടുത്തിടെ ബിജെപിയുമായുള്ള മുന്നണി ബന്ധം ഉലഞ്ഞ് ശിവസേന മുന്നണിക്ക് പുറത്തുപോവുമെന്ന അഭ്യൂഹം ശക്തമാണ് . അടുത്ത ലോകസഭാ തിരെഞ്ഞെടുപ്പില് ഒറ്റക്ക് മത്സരിക്കുമെന്ന് ഇതിനോടകം വ്യക്തമാക്കിയ ശിവസേന എന്ഡിഎ സര്ക്കാരിനെ വിമര്ശിച്ചു പല തവണ രംഗത്തു വന്നിരുന്നു
https://www.facebook.com/Malayalivartha