ഒമർ ലുലുവിന്റെ 'അഡാർ ലവ്​' സിനിമയിലെ 'മാണിക്യ മലരായ പൂവേ' എന്ന ഗാനത്തിൽ സെക്കൻഡുകൾ മാത്രം അഭിനയിച്ച പ്രിയ വാര്യർ കണ്ണിറുക്കലിലൂടെ ലോക ശ്രദ്ധനേടി നേടിയിരിക്കുകയാണ്. അതിനിടയിലാണ് ഇന്ത്യയിൽ പലയിടങ്ങളിലായി മതവികാരം വ്രണപ്പെടുത്തിയെന്ന തരത്തിൽ പ്രിയയ്ക്കും സിനിമയിലെ അണിയറപ്രവർത്തകർക്കുമെതിരെ പരാതികൾ ഉയർന്നു വന്നത്. ഇതിന്റെ പേരിൽ അന്യ സം​സ്​​ഥാ​ന​ങ്ങ​ളി​ലു​ള്ള ക്രി​മി​ന​ല്‍ ന​ട​പ​ടി​ക​ള്‍ അ​വ​സാ​നി​പ്പി​ക്കണമെന്ന ആവശ്യവുമായി ന​ടി പ്രി​യ വാ​ര്യ​ര്‍ സുപ്രീംകോടതിയെ സമീപിച്ചിരുന്നു. പ്രി​യ വാ​ര്യ​ര്‍ സമര്‍പ്പിച്ച ഹർജി സുപ്രീംകോടതി ഇന്ന് പരിഗണിക്കും.

അടിയന്തരമായി പരിഗണിക്കണമെന്ന ആവശ്യം ചിഫ് ജസ്റ്റിസ് അധ്യക്ഷനായ ബെഞ്ച് അംഗീകരിക്കുകയായിരുന്നു. മ​ഹാ​രാ​ഷ്​​ട്ര, തെ​ല​ങ്കാ​ന സം​സ്​​ഥാ​ന സ​ര്‍​ക്കാ​റു​ക​ളെ എ​തി​ര്‍​ക​ക്ഷി​ക​ളാ​ക്കി സു​പ്രീം​കോ​ട​തി അ​ഭി​ഭാ​ഷ​ക​രാ​യ അ​ഡ്വ. ഹാ​രി​സ്​ ബീ​രാ​ന്‍, അ​ഡ്വ. പ​ല്ല​വി പ്ര​താ​പ്​ എ​ന്നി​വ​ര്‍ മു​ഖേ​ന​യാ​ണ്​ പ്രി​യ ഹ​ർജി സമർപ്പിച്ചിരിക്കുന്നത്. ഹൈ​ദ​രാ​ബാ​ദി​ലെ ഫ​ല​ക്​​നാ​മ പൊ​ലീ​സ്​ സ്​​റ്റേ​ഷ​നി​ല്‍ ര​ജി​സ്​​റ്റ​ര്‍ ചെ​യ്​​ത എ​ഫ്.ഐ.​ആ​ര്‍ റ​ദ്ദാ​ക്കു​ക, 'ഒ​രു അ​ഡാ​ര്‍ ല​വ്' സി​നി​മ​യി​ലെ മാ​ണി​ക്യ​മ​ല​രാ​യ പൂ​വി എ​ന്ന പാ​ട്ടി​നെ​തി​രാ​യ ന​ട​പ​ടി​ക​ള്‍ ത​ട​ഞ്ഞ്​ ഇ​ട​ക്കാ​ല ​ഉ​ത്ത​ര​വി​റ​ക്കു​ക എ​ന്നീ ആ​വ​ശ്യ​ങ്ങ​ളും ഹ​ർജി​യി​ല്‍ ഉന്നയിച്ചിട്ടുണ്ട്. പ്രി​യ​ക്ക്​ പു​റ​മെ സം​വി​ധാ​യ​ക​ന്‍ ഒ​മ​ര്‍ ലു​ലു​വും ജോ​സ​ഫ്​ വാ​ള​ക്കു​ഴി ഇൗ​പ്പ​നും പ​രാ​തി​ക്കാ​രാ​ണ്. തെ​ല​ങ്കാ​ന​യി​ലും മ​ഹാ​രാ​ഷ്​​ട്ര​യി​ലും ത​ങ്ങ​ള്‍​​ക്കെ​തി​രെ ക്രി​മി​ന​ല്‍ ന​ട​പ​ടി​ക​ള്‍​ക്ക്​ തു​ട​ക്കം​കു​റി​ച്ച സാഹചര്യത്തിലാണ് ഹ​ർ​ജി ന​ല്‍​കി​യ​തെ​ന്ന്​മൂ​വ​രും പറഞ്ഞു.

വ​ള​ച്ചൊ​ടി​ച്ച​തും തെ​റ്റാ​യ​തു​മാ​യ വ്യാ​ഖ്യാ​നം ന​ല്‍​കി​യാ​ണ്​ മ​ല​യാ​ളം സം​സാ​രി​ക്കാ​ത്ത സം​സ്​​ഥാ​ന​ങ്ങ​ളി​ല്‍​നി​ന്ന്​ ഇ​തി​നെ​തി​രെ പ​രാ​തി വ​ന്നി​രി​ക്കു​ന്ന​തെ​ന്ന്​ ഹ​ർ​ജി​യി​ല്‍ പറയുന്നു. 40 വ​ര്‍​ഷ​മാ​യി കേ​ര​ള​ത്തി​ലെ മു​സ്​​ലിം ജ​ന​സാ​മാ​ന്യ​ത്തി​​നി​ട​യി​ല്‍ നി​ല​നി​ല്‍​ക്കു​ന്ന പാ​ട്ട്​ പെട്ടെ​ന്ന്​ മ​ത​വി​കാ​ര​ത്തി​ന്​ എ​തി​രാ​വി​ല്ലെ​ന്നാണ് ഹർജിയിൽ പറയുന്നത്. തെ​ല​ങ്കാ​ന​യി​ല്‍ ഇ​തി​ന​കം എ​ഫ്.ഐ.​ആ​ര്‍ ര​ജി​സ്​​റ്റ​ര്‍ ചെ​യ്​​തി​ട്ടു​​ണ്ട്. പാ​ട്ടി​​​ന്റെ പ​രി​ഭാ​ഷ​യും സു​പ്രീം​കോ​ട​തി​യിൽ സമർപ്പിച്ചിട്ടുണ്ട്.