പഞ്ചാബ് നാഷണൽ ബാങ്ക് തട്ടിപ്പ് ! ; നീരവ് മോദിയുടെ 9 ആഢംബര വാഹനങ്ങൾ എൻഫോഴ്സ്മെന്റ് പിടിച്ചെടുത്തു
സാമ്പത്തിക തട്ടിപ്പു നടത്തി മുങ്ങിയ നീരവ് മോദിയുടെ വിശേഷങ്ങൾ വളരെ എളുപ്പത്തിൽ അവസാനിക്കുന്നതല്ല. ഇപ്പോഴും അജ്ഞാതമായിത്തുടരുന്ന നീരവിന്റെ ഒളിത്താവളങ്ങളെക്കുറിച്ചുള്ള അന്വേഷണങ്ങൾ നടത്തിവരികയാണ്. എന്നാൽ നീരവ് മോദിയുടെ സ്ഥാപനങ്ങളിലും വീടുകളിലും ഇപ്പോള് നടക്കുന്ന റെയ്ഡുകളാണ് ഏവരെയും അമ്പരപ്പിച്ചിരിക്കുന്നത്.
റിപ്പോർട്ടുകൾ പ്രകാരം എൻഫോഴ്സ്മെന്റ് ഉദ്യോഗസ്ഥരുടെ നേതൃത്വത്തിൽ നീരവ് മോദിയുടെ വിവിധ സ്ഥാപനങ്ങളിൽ പരിശോധന തുടരുകയാണ്.സ്വർണവും വജ്രവും ആഭരണങ്ങളും ഉൾപ്പെടെ 5100 കോടിയുടെ സ്വത്ത് ഇതുവരെ പിടിച്ചെടുത്തു.
കഴിഞ്ഞ ദിവസം അദ്ദേഹത്തിന്റെ കമ്പനികളിലൊന്നിൽ നടത്തിയ റെയ്ഡില് പിടിച്ചെടുത്ത വാഹനങ്ങളാണ് ഇപ്പോള് ചര്ച്ചാവിഷയമായിരിക്കുന്നത്. ഒന്പത് ആഢംബര കാറുകളാണ് റെയ്ഡില് പിടിച്ചെടുത്തിരിക്കുന്നത്. കാറുകളോടുള്ള നീരവിന്റെ ഭ്രമം ഉദ്യോഗസ്ഥരെ അത്ഭുതപ്പെടുത്തിയിരിക്കുകയാണ്.
റോള്സ് റോയ്സ് ഗോസ്റ്റ്, രണ്ട് മെഴ്സിഡസ് ബെന്സ് ജിഎല് ക്ലാസ്, പോര്ഷെ പനാമെര, ഹൈ എന്ഡ് ഹോണ്ട കാറുകള് ടൊയോട്ട ഫോര്ച്യൂണര് എന്നിവയാണ് നീരവിന്റ കമ്പനിയുടെ സ്വത്തുക്കളുമായി ബന്ധപ്പെട്ട റെയ്ഡില് പിടിച്ചെടുത്തത്.
നീരവിന്റെ മൂച്വല് ഫണ്ടുകളും ഓഹരികളും എന്ഫോഴ്സ്മെന്റ് മരവിപ്പിച്ചിട്ടുണ്ട്. നീരവുമായി ബന്ധമുണ്ടെന്ന് സംശയിക്കുന്ന എല്ലാ സ്ഥാപനങ്ങളിലും ഉദ്യോഗസ്ഥര് റെയ്ഡ് നടത്തിയിട്ടുണ്ട്. ഇവര് പല ബിസിനസ് ഗ്രൂപ്പുകളുമായി രഹസ്യ ഇടപാടുണ്ടെന്ന് സൂചന ലഭിച്ചിട്ടുണ്ട്. നാല് സുപ്രധാന ബിസിനസ് കേന്ദ്രങ്ങളിലായിരുന്നു പരിശോധന. മുംബൈ ഓപ്പേറ ഹൗസിലും റെയ്ഡ് നടത്തിയിട്ടുണ്ട്.
https://www.facebook.com/Malayalivartha