ജനങ്ങള്ക്കിടയില് വര്ഗ്ഗീയത വളര്ത്തി വെറുപ്പിന്റെ രാഷ്ട്രീയം പ്രചരിപ്പിക്കാന് ബിജെപി, ഐടി സെല്ലില് ജോലി ചെയ്യുന്നത് ഇരുപതിനായിരത്തില് അധികം ആളുകള്, വെളിപ്പെടുത്തലുമായി യുവാവ്
ജനങ്ങള്ക്കിടയില് വര്ഗ്ഗീയത വളര്ത്തി വെറുപ്പിന്റെ രാഷ്ട്രീയം പ്രചരിപ്പിക്കാന് ബിജെപി ഐടി സെല്ലില് ജോലി ചെയ്യുന്നത് ഇരുപതിനായിരത്തില് അധികം ആളുകള്. വെളിപ്പെടുത്തലുമായി ഐടി സെല്ലിന്റെ ഭാഗമായിരുന്ന മഹാവീര് എന്ന യുവാവ്. രാജ്യം ഭരിക്കുന്ന ബിജെപിയുടെ ഐടി സെല്ലിനെക്കുറിച്ച് മുഴുവന് രഹസ്യങ്ങളും വെളിപ്പെടുത്തിയിരിക്കുകയാണ് മഹാവീര്.
ഇരുപതിനായിരത്തില് അധികം ആളുകള് വര്ക്ക് ചെയ്യുന്ന ഐടി സെല്. അതില് ട്വീറ്റുകളും മെസേജുകളും തയ്യാറാക്കുന്നതിന് സൂപ്പര് 150 എന്നൊരു സെപ്ഷ്യല് വിങ്. 2015 ജൂലൈയില് പ്രധാനമന്ത്രി പ്രത്യേകം സന്ദര്ശിച്ചിരുന്നു ഈ വിഭാഗത്തെ. അവരെ റിക്രൂട്ട് ചെയ്യുന്നതിന് ഒരു പിആര് സെക്ഷന്. ഓരോ ആളുകള്ക്കും ദിവസേന ആയിരം രൂപ മുതല് ലക്ഷക്കണക്കിന് രൂപ വരെ ശമ്പളം.
ഓരോ ആളുകള്ക്കും പത്തു മൊബൈലും,പത്ത് വാട്സ്ആപ്പ് നമ്പറും. വ്യാജ വാര്ത്തകള് നിര്മ്മിക്കുന്നതിന്നും വെറുപ്പിന്റെ രാഷ്ട്രീയം പ്രചരിപ്പിക്കുന്നതിന്നും വിവിധ പേരിലുള്ള വെബ് സൈറ്റുകള്. അതില് തന്നെ ഇന്ത്യയിലെ ഏറ്റവും കൂടുതല് ആളുകള് സന്ദര്ശിക്കുന്ന ആദ്യത്തെ ഇരുപത് വെബ്സൈറ്റുകളില് പത്താം സ്ഥാനത്തുള്ള ന്യൂസ്ട്രെന്ഡ്. ന്യൂസ് മൂന്ന് കോടിയിലധികം പേര് ദിവസവും സന്ദര്ശിക്കുന്നുവെന്നും മഹാവീര് പറയുന്നു.
ഫേസ്ബുക്കില് 20 ലക്ഷത്തിന് മുകളില് ഫോളേവേഴ്സ് ഉള്ള നിരവധി പേജുകള്. ഇത്തരം പേജുകളില് അധികവും ഇന്ത്യന് ആര്മിയുടെയും മറ്റു പ്രശസ്തരായ ആളുകളുടെയും പേരുകളിലാണ്. ഇന്ത്യന് ആര്മിയുടെ ഒഫിഷ്യല് പേജിനെക്കാള് ഫോളേവേഴ്സ് സംഘ പരിവാറിന്റെ അണ്ഒഫീഷ്യല് പേജിനുണ്ട്. മുസ്ലിംകള്ക്കിടയില് ബിജെപിക്ക് നല്ലൊരു പ്രതിച്ഛായ ഉണ്ടാക്കിയെടുക്കാന് നിരവധി മുസ്ലിം ഐഡികളും ഹിന്ദുക്കള്ക്കിടയില് മുസ്ലിം വിദ്വേഷം ഉണ്ടാക്കിയെടുക്കുവാന് ഹിന്ദു ഐഡികളും ഉപയോഗിക്കുന്നു.
കഴിഞ്ഞ കുറേ നാളുകളായി ഐടി സെല്ലിന്റെ ഭാഗമായിരിക്കുകയും പിന്നീട് ആ ജോലി ഉപേക്ഷിക്കുകയും ചെയ്ത ശേഷമാണ് മഹാവീര് എന്ന യുവാവ് പാര്ട്ടിയുടെ തീവ്ര വര്ഗ്ഗീയതയും വെറുപ്പിന്റെ രാഷ്ട്രീയവും സംബന്ധിച്ച വെളിപ്പെടുത്തലുകള് നടത്തിയിരിക്കുന്നത്. എല്ലാ വാര്ത്തകളിലും ഹിന്ദു മുസ്ലിം സ്പര്ധക്കുള്ള മരുന്ന് തിരയുകയാണ് പ്രധാന ജോലിയെന്നു മഹാവീര് പറയുന്നു. വെറുപ്പിന്റെ രാഷ്ട്രീയമാണ് ബിജെപിയെ അധികാരത്തിലേക്ക് നയിക്കുന്നതെന്നും, മോഡിയേക്കാള് ബിജെപി യുടെ താഴെ ഘടകങ്ങളില് യോഗി ആദിത്യനാഥിനു സ്വീകാര്യതയേറി വരുന്നതായും അദ്ദേഹം വെളിപ്പെടുത്തുന്നു.
https://www.facebook.com/Malayalivartha