കോണ്ഗ്രസ് ബന്ധം സംബന്ധിച്ച് പാര്ട്ടിയില് വ്യത്യസ്ത അഭിപ്രായമുണ്ട്, രഹസ്യ ബാലറ്റ് പതിവില്ല, ആവശ്യമെങ്കില് ഭരണഘടന അനുസരിച്ച് തീരുമാനം എടുക്കും: പ്രകാശ് കാരാട്ട്
കോണ്ഗ്രസ് ബന്ധം സംബന്ധിച്ച് പാര്ട്ടിയില് വ്യത്യസ്ത അഭിപ്രായം ഉണ്ടെന്ന് സി.പി.എം പൊളിറ്റ്ബ്യൂറോ അംഗം പ്രകാശ് കാരാട്ട് വ്യക്തമാക്കി. വ്യത്യസ്ത അഭിപ്രായം പാര്ട്ടിയല് ഉണ്ടാകുന്നത് സ്വാഭാവികമാണ്. കരട് രാഷ്ട്രീയ പ്രമേയം സംബന്ധിച്ച് വോട്ടടുപ്പ് നടക്കുമെന്ന കാര്യം കാരാട്ട് തള്ളിക്കളഞ്ഞില്ല.
എന്നാല് രഹസ്യബാലറ്റ് പാര്ട്ടിയില് പതിവുള്ളതല്ല, ആവശ്യമെങ്കില് ഭരണഘടന അനുസരിച്ച് തീരുമാനമെടുക്കും. യച്യൂരി സെക്രട്ടറിയായി തുടരണോ എന്ന് പുതിയ കേന്ദ്രകമ്മിറ്റി തീരുമാനിക്കും. രാഷ്ട്രീയ പ്രമേയം അംഗീകരിച്ച് കഴിഞ്ഞാല് ഭൂരിപക്ഷമെന്നോ, ന്യൂനപക്ഷമെന്നോ ഇല്ല. അത് അംഗീകരിക്കാന് എല്ലാവരും ബാധ്യസ്ഥരാണെന്നും കാരാട്ട് പാര്ട്ടി കോണ്ഗ്രസ് വേദിയില് നടത്തിയ വാര്ത്താസമ്മേളനത്തില് അറിയിച്ചു.
സീതാറാം യെച്യൂരി അവതരിപ്പിച്ച ബദല് രാഷ്ട്രീയ പ്രമേയം വോട്ടെടുപ്പില് പരാജയപ്പെട്ടാല് അദ്ദേഹം ജനറല് സെക്രട്ടറി സ്ഥാനം ഒഴിയേണ്ടെന്നും കാരാട്ട് പറഞ്ഞു. തങ്ങളുടെ തീരുമാനങ്ങള് വിശദീകരിക്കാന് യച്യൂരിയും കാരാട്ടും പ്രത്യേകം വാര്ത്താസമ്മേളനം വിളിച്ചതും ശ്രദ്ധേയമായി. അതേസമയം ചര്ച്ചയിലും വോട്ടെടുപ്പിലും ഒരുമിച്ച് നില്ക്കാനാണ് കേരളത്തിലെ പ്രതിനിധികള്ക്ക് നേതൃത്വം നല്കിയ നിര്ദ്ദേശം. രഹസ്യ ബാലറ്റുണ്ടായാല് ഇതില് വിള്ളല് വരുമെന്ന് ഉറപ്പാണ്. അത് മുന്കൂട്ടി കണ്ടാണ് രഹസ്യബാലറ്റ് ഒഴിവാക്കണമെന്ന ആവശ്യം കാരാട്ടും ഒപ്പം നില്ക്കുന്നവരും മുന്നോട്ട് വയ്ക്കുന്നത്. മഹാരാഷ്ട്ര, ബംഗാള് ഘടകവും ത്രിപുരയില് നിന്നുള്ള ചിലരും രഹസ്യബാലറ്റ് വേണമെന്ന് ശക്തമായി ആവശ്യപ്പെട്ടിട്ടുണ്ട്.
https://www.facebook.com/Malayalivartha