പശ്ചിമ ബംഗാളില്‍ തദ്ദേശസ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് മേയ് 14നു നടക്കുമെന്നു സംസ്ഥാന തെരഞ്ഞെടുപ്പു കമ്മീഷന്‍. മേയ് 1, 2, 5 തീയതികളില്‍ തെരഞ്ഞെടുപ്പു നടക്കുമെന്നാണു കമ്മീഷന്‍ നേരത്തേ അറിയിച്ചിരുന്നത്. ഭരണകക്ഷിയിലുള്ളവര്‍ തങ്ങളെ നാമനിര്‍ദേശപത്രിക സമര്‍പ്പിക്കാന്‍ അനുവദിക്കാതെ ആക്രമിക്കുകയാണെന്നു ചൂണ്ടിക്കാട്ടി പ്രതിപക്ഷ പാര്‍ട്ടികള്‍ കോടതികളെ സമീപിച്ചതോടെയാണു തെരഞ്ഞെടുപ്പു മാറ്റിവയ്ക്കാന്‍ കമ്മീഷന്‍ നിര്‍ബന്ധിതമായത്.